Efesios

7 Po mädee de geꞌä di pe̱ꞌtsihu̱ rä ñhänte po näꞌä rä rescate po mädee de rä jiꞌä, hää, rä mpumbäte de nuꞌu̱ mä tsꞌokihu̱, ja ngu rä ndunthi näꞌä Rä nhuekäte hindi meresehu̱. 8 Näꞌä bi ꞌñudi ndunthi rä mhäte mäske hindi meresehu̱. Bi rꞌakägihu̱ ndunthi rä mfädi pa dä za gä ntiendehu̱ 9 ꞌne dä za gä pädihu̱ näꞌä rä mäkä sekreto de rä bolunta, ja ngu di hoꞌä ꞌne nja ngu xä desidi dä me̱fi. Näꞌä bi beni dä hñutsꞌi 10 nꞌa rä rꞌayꞌo forma de hanja ma dä organisa rä familia pa dä mꞌu̱i unido xti uadi nuꞌu̱ yä tiempo xä thutsꞌi, pa dä muntsꞌi gatꞌho yä tꞌo̱tꞌe ha rä Kristo, —tanto nuꞌu̱ yä tꞌo̱tꞌe ha mähetsꞌi ngu nuꞌu̱ yä tꞌo̱tꞌe ha rä xiꞌmhai—. Hää, dä muntsꞌi gatꞌho yä tꞌo̱tꞌe ha rä Kristo. 11 ꞌNe nuju̱ di ꞌmu̱ihu̱ unido kongeꞌä ꞌne dende änte bi thankägihu̱ pa gä hänihu̱ nꞌa rä erensia, ja ngu rä bolunta Näꞌä toꞌo kumpli gatꞌho näꞌä desidi dä me̱fi. 18 Näꞌä xä yotuäbi yä da ri korasohu̱ pa gi pähu̱ te mä humu̱i rꞌaꞌähu̱, ꞌne gi pähu̱ te mä tesoro pe̱ꞌtsi pa dä umbäbi de gä erensia yä santo.