Apocalipsis

7 ꞌNe bä nja nꞌa rä gerra ha mähetsꞌi: Miguel ꞌne yä e̱nxe̱ bä ntuhni ko rä däta kꞌeñä, ꞌne näꞌä däta kꞌeñä ꞌne yä e̱nxe̱ bi ntuhni kongeꞌu̱, 8 pe nuꞌu̱ himbä ntäte, ꞌne ya himbä nja rä luga pa geꞌu̱ ha mähetsꞌi. 9 Hänge bä tꞌe̱i näꞌä rä däta kꞌeñä, näꞌä xa rä mu̱di kꞌeñä tꞌembi Diablo ꞌne Satanas, geꞌä hatꞌi gatꞌho yä mexiꞌmhai; bä tꞌe̱i pa ha rä xiꞌmhai, ꞌne nuꞌu̱ yä e̱nxe̱ bä tꞌe̱i mähye̱gi kongeꞌä. 12 Hänge ¡johyahu̱ nuꞌähu̱ gi ꞌmu̱ihu̱ ha mähetsꞌi! ¡Pe huekäteꞌihu̱ nuꞌähu̱ gi ꞌmu̱ihu̱ ha rä xiꞌmhai ꞌne ha rä ndehe! Ngeꞌä rä Zithu xä jui xki mabu̱ ꞌne xa di nkue̱ ngeꞌä pädi ge tsꞌu̱tho näꞌä rä tiempo kohibi.