Malaquías

2 Mu̱ hingi ne gi yꞌo̱dehu̱ ꞌne mu̱ hingi ne gi nsundahu̱ mä thuhu —enä Jeoba de yä ejército—, ma gä pe̱ñꞌä̱hu̱ nꞌa rä kastigo ꞌne ma gä japi ge kada gi yꞌadihu̱ nꞌa rä hogä tꞌo̱tꞌe, go ma dä zo̱ho̱ nꞌa rä tsꞌo tꞌo̱tꞌe. Hää, koꞌmu̱ gi yꞌo̱gägithohu̱, xtä japi dä mpu̱ngä tsꞌo tꞌo̱tꞌe nuꞌu̱ yä jäpi». 13 «ꞌNe ja mä nꞌa rä kosa näꞌä gi pe̱fihu̱, xkä japäbihu̱ dä mobo rä altar rä Zi Dada Jeoba ko yä gida nuꞌu̱ ri ꞌme̱hñäꞌu̱ zoni. Hänge Äjuä ya hingi numäñho nuꞌu̱ yä ofrenda gi umbäbihu̱. 14 ꞌNe tobe gi ñꞌanihu̱: “¿Xibye̱ te go xtä o̱thu̱?”. Ngeꞌä rä Zi Dada Jeoba xä ntestigo entre nuꞌi ꞌne näꞌä rä ꞌme̱hñä gä nthätui, näꞌä rä ꞌme̱hñä xkä traisionäbye̱. Näꞌä ꞌme̱hñä geꞌä ri compa, ꞌne kongeꞌä gä ja nꞌa rä kohi nuꞌmu̱ gä nthätui. 16 Ngeꞌä nuga xa di u̱tsa yä diborsio —njabu̱ enä Jeoba, näꞌä rä Zi Dada de Israel—, ꞌne di u̱tsa näꞌä toꞌo o̱tꞌe yä ntsꞌomꞌu̱i ꞌne yä tuhni —enä rä Zi Dada Jeoba de yä ejército—. Hyanthu̱ xä ñho näꞌä gi pe̱fihu̱ ꞌne ogyä traisionerohu̱.