Isaías

7 «¡Xa mähotho yä tꞌo̱ho̱ habu̱ xa ma yä ua näꞌä toꞌo hätsꞌi yä hogä notisia, näꞌä ungä ntꞌo̱de nꞌa rä mꞌu̱i temäꞌentho, näꞌä toꞌo hätsꞌi yä hogä notisia de nꞌa rä tꞌo̱tꞌe mänꞌa xä ñho, näꞌä ungä ntꞌo̱de de nꞌa rä ñhänte, näꞌä embäbi Sión: «¡Ri Äjuä xä zo̱ho̱ xä Nrey!». 11 ¡ꞌUegehu̱, ꞌuegehu̱, po̱ñhu̱ de gepu̱, ogi thatꞌihu̱ nixi nꞌa de nuꞌu̱ yä tꞌo̱tꞌe xä ntsꞌo! Po̱ñhu̱ de gepu̱, ꞌne ꞌmu̱hu̱ xä ntꞌaxi nuꞌähu̱ gi hätsꞌihu̱ nuꞌu̱ yä tꞌo̱tꞌe yä me̱ti Jeoba.