Malaquías

7 Dende ha nuꞌu̱ yä pa mi ꞌmu̱i nuꞌu̱ ri xitahu̱, nuꞌähu̱ xkä ꞌuegehu̱ de nuꞌu̱ mä mhända ꞌne hixkä te̱nihu̱. Pengihu̱ kongeki ꞌne nuga ma gä pengi kongeꞌähu̱», —enä Jeoba de yä ejército—. Pe nuꞌähu̱ gi eñhu̱: «¿Por hanja gi enä ge gä pengihe?». 8 «¿Xige nꞌa rä jäꞌi go ma dä bepäbi Äjuä? Nde, nuꞌähu̱ gi pekägihu̱». ꞌNe tobe gi eñhu̱: «¿Hämꞌu̱ go xtä peꞌähe?». «Ha nuꞌu̱ yä diesmo ꞌne ha nuꞌu̱ yä ꞌmo̱ñhä. 10 Guä hähu̱ gatꞌho näꞌä rä diezmo ha mä bodega pa dä zo̱ho̱ dä nja rä ñhuni ha mä nguu, ꞌne po rä mäte hyandihu̱ näꞌä ma gä pe̱fi —geꞌä xä mängä Jeoba de yä ejército—, ma gä xoki nuꞌu̱ yä goxthi ja ha mähetsꞌi pa gä pe̱nꞌähu̱ yä jäpi pa hinte dä ꞌme̱ꞌähu̱». 16 Ha näꞌä tiempoꞌä, nuꞌu̱ mi pe̱ꞌspäbi nꞌa rä hogä ntsu Jeoba, bi ñä rꞌa ko märꞌaa, kada nꞌaa ko rä mikꞌei, ꞌne Jeoba bi sigi bi yꞌo̱tsꞌe ꞌne bi jamäsu näꞌä mi mäñꞌu̱. ꞌNe ndelante de Geꞌä, bi tꞌofo nꞌa rä libro pa dä feni yä thuhu nuꞌu̱ toꞌo pe̱ꞌspäbi nꞌa rä hogä ntsu Jeoba ꞌne bembäbi rä thuhu. 17 «ꞌNe xti zo̱ho̱ näꞌä rä pa gä huahni nꞌa mä hnini, nuyu̱ ma dä zo̱ho̱ dä nja mä ue̱nda —enä Jeoba de yä ejército—. Nuyu̱ ma gä hueki ja ngu nꞌa rä ñꞌo̱ho̱ näꞌä hueki nꞌa rä tꞌu̱ näꞌä pe̱fi näꞌä di mändabi. 18 ꞌNe nuꞌähu̱ ma gi hyanthu̱ mänꞌaki toꞌo rä hojäꞌi ꞌne toꞌo rä tsꞌomꞌu̱i, toꞌo pe̱päbi Äjuä ꞌne toꞌo hinä.