Salmos

4 Nuꞌu̱ yä imagen de gä plata ꞌne de gä oro, go xä hyokise̱ yä jäꞌi. 5 Nuꞌu̱ yä imagen ja yä ne pe hingi tsa dä ñä. Ja yä da, pe hingi tsa dä hyandi. 6 Ja yä gu, pe hingi tsa dä yꞌo̱de. Ja yä xiñu, pe hingi ja yä fähä. 7 Ja yä yꞌe̱, pe hingi tsa te dä me̱fi. Ja yä ua, pe hingi tsa dä ñꞌo. Nixi hinte mä ruido po̱ni de yä yꞌu̱ga. 8 Toꞌo hoki nuꞌu̱ yä imagen ꞌne toꞌo pe̱ꞌspäbi rä komfiansa, ma dä uadi dä nja nguꞌu̱. 9 Oh Israel, pe̱ꞌspäbihu̱ rä komfiansa Jeoba. (Näꞌä go geꞌä ri mfatsꞌihu̱ ꞌne ri ntakihu̱). 10 Oh, gatꞌho rä ngu Aarón, pe̱ꞌspäbihu̱ rä komfiansa Jeoba. (Näꞌä go geꞌä ri mfatsꞌihu̱ ꞌne ri ntakihu̱). 11 Nuähu̱ gi tsuhu̱ gi u̱mbäbihu̱ rä mfeni Jeoba, pe̱ꞌspäbihu̱ rä komfiansa Jeoba. (Näꞌä go geꞌä ri mfatsꞌihu̱ ꞌne ri ntakihu̱). 15 Hñänihu̱ rä jäpi Jeoba, näꞌä toꞌo bi hyoki mähetsꞌi ꞌne rä xiꞌmhai. 16 En cuanto nu mähetsꞌi, Jeoba go rä ue̱nda, pe nu rä xiꞌmhai Näꞌä go xä umbäbi yä bätsi yä mexiꞌmhai.