2 Corintios

3 Nuju̱ hinte mä tꞌo̱tꞌe di pe̱fihu̱ näꞌä dä za dä japi dä mfeꞌtse märꞌaa, pa njabu̱ hinte mä tsꞌoki dä thini ha mä mäkä ꞌme̱fihu̱; 4 en lugar de geꞌä, nuju̱ di udihu̱ ha gatꞌho mä mꞌu̱ihu̱ ge yä ꞌme̱gogihu̱ Äjuä, po gatꞌho näꞌä xtä ze̱tihu̱, yä prueba, yä thuhu, yä xuñha, 11 Me Corintohu̱, nuje di xiꞌähe näꞌä di mbenihe ꞌne xtä xokihe nuꞌu̱ yä goxthi mä korasohe. 12 Nuje hindi yꞌu̱yahe ko näꞌä rä mhäte di rꞌaꞌähe, pe nuꞌähu̱ hää gi yꞌu̱yahu̱ ko näꞌä rä mhäte gi rꞌakägihe. 13 Hänge nubye̱ di zoꞌähu̱ ngu nꞌa rä dada näꞌä zofo yä bätsi; xoki ri korasohu̱ ꞌne mäkägihe ja ngu di mäꞌähe. 14 Ogi nju̱nihu̱ mähye̱gi ha nꞌa rä yugo ko nuꞌu̱ hingä yä gamfri. Ngeꞌä ¿te mä ntsitsꞌi ja entre rä justisia ko rä injustisia? ¿O te mä ntsitsꞌi ja entre rä hyaꞌtsi ko rä ꞌme̱xui? 15 ꞌNehe, ¿te mä ntsitsꞌi ja entre rä Kristo ꞌne rä Zithu? O ¿te pe̱ꞌtsi mähye̱gi nꞌa rä gamfri ko nꞌa rä ꞌñägamfri? 16 ꞌNe ¿te mä kohi pe̱ꞌtsi rä templo Äjuä ko yä idolo? Ngeꞌä nuju̱ go rä templogihu̱ Äjuä, näꞌä ja rä te; ja ngu bi mängä Äjuä: «Nuga ma gä ꞌmu̱i kongeꞌu̱ ꞌne ma gä yꞌo kongeꞌu̱, ꞌne nuga go ma gä Nzi Dada pa geꞌu̱, ꞌne nuꞌu̱ ma dä nja mä hnini». 17 «“Hänge, po̱nihu̱ de geꞌu̱, ꞌne ꞌuegehu̱ —enä Jeoba—, ꞌne ya ogi thathu̱ nuꞌu̱ yä tꞌo̱tꞌe xä ntsꞌo”»; «“ꞌne nuga ma gä tsiñꞌähu̱”». 18 «“ꞌNe nuga gä tso̱ho̱ gä nja nꞌa rä dada pa geꞌähu̱, ꞌne nuꞌähu̱ ma gi tso̱hu̱ gi njahu̱ mä tꞌu̱ꞌihu̱ ꞌne mä tꞌixuꞌihu̱”, enä Jeoba, Näꞌä pe̱ꞌtsi Gatꞌho rä tsꞌe̱di.»