Éxodo

20 ꞌNepu̱ Äjuä bi mu̱di bi mängä gatꞌho nuya yä noya: 2 «Nuga go geki Jeoba ri Zi Dada, näꞌä toꞌo bä ju̱kꞌäꞌi de rä hai de Egipto, de näꞌä luga habu̱ ngi mꞌe̱go. 3 Nuꞌi hindi debe gi pe̱ꞌtsi märꞌa yä zidada aparte de geki. 4 »Nuꞌi hindi debe gi hyoki nꞌa rä imagen de nuꞌu̱ yä kosa ja ha mähetsꞌi, nixi nꞌa rä imagen de nuꞌu̱ yä kosa ja ha rä xiꞌmhai o ja ha yä dehe. 5 Hindi debe gi ndäne, nixi ogi hopi toꞌo dä kombenseꞌi pa gi pe̱päbiꞌu̱. Ngeꞌä nuga Jeoba go ri Zi Dadagi ꞌne di mända ge ho̱nse̱gi drä adoragi. Po nuꞌu̱ yä tsꞌoki yä dada, di japäbi ge näꞌä rä kastigo di merese dä ꞌñepäbi ꞌnehe yä bätsi, asta rä hñuu rä generación ꞌne rä goho rä generación, pe nuꞌu̱ toꞌo di u̱tsagi. 6 Pe mä mhäte hindi faya pa ko nuꞌu̱ di mäkägi ꞌne di jäpi nuꞌu̱ yä bätsi asta näꞌä nꞌa mꞌo rä generación ma dä ꞌñehe mꞌe̱fa de geꞌu̱. 7 »Nuꞌi hingi debe gi no̱mbäbi rä thuhu ri Zi Dada Jeoba pa gi ꞌme̱tuäbi rä tꞌekꞌei, ngeꞌä Jeoba hingä ma dä zoogi nsinke dä kastiga näꞌä toꞌo dä ꞌme̱tuäbi rä tꞌekꞌei Rä thuhu.