1 Corintios

4 ꞌne gatꞌho bi ꞌme̱tꞌi de näꞌä rä mäkä dehe. Ngeꞌä nuꞌu̱ mi ꞌme̱tꞌi de näꞌä rä mäkä däta ndo̱do mi de̱niꞌu̱, ꞌne näꞌä däta ndo̱doꞌä mi signifika rä Kristo. 8 Nixi gä o̱tꞌehu̱ nuꞌu̱ yä pekado o̱tꞌe yä ꞌñätsa jäꞌi ko yä ndoyꞌo, ja ngu nuꞌu̱ yä ꞌñätsa jäꞌi bi yꞌo̱tꞌe yä pekado ko yä ndoyꞌo, hänge bi du 23.000 de geꞌu̱ ha nꞌadä rä pa. 11 Hänge nuya yä tꞌo̱tꞌe bi thogi pa utkägihu̱bye̱, ꞌne bi tꞌofo ngu nꞌa rä abiso pa nuju̱ di ꞌmu̱ihu̱ ha nuya yä gäxä pa. 12 Hänge toꞌo beni ge xä mꞌai xä ñho, dä nsu pa hindä dagi. 21 Nuꞌähu̱ hindä za gi tsihu̱ de rä kopa Jeoba ꞌne de rä kopa yä u̱xjua; hindä za gi ñuñhu̱ ha «rä mexa Jeoba» ꞌne ha rä mexa yä u̱xjua. 23 Gatꞌho yä tꞌo̱tꞌe dä za gä pe̱fihu̱, pe hingä gatꞌho yä tꞌo̱tꞌe bi hä yä benefisio. Gatꞌho yä tꞌo̱tꞌe dä za gä pe̱fihu̱, pe hingä gatꞌho yä tꞌo̱tꞌe di nupkä mä mfenihu̱. 24 Kada nꞌa de geꞌähu̱ sigi gi hyonihu̱, hingä ri ñhose̱hu̱, pe hää hyombäbihu̱ yä ñho märꞌaa. 31 Hänge mu̱ gi ñunihu̱, gi tsithehu̱, o mu̱ gi pe̱fihu̱ märꞌa yä tꞌo̱tꞌe; pe̱fihu̱ gatꞌho yä tꞌo̱tꞌe pa rä nsunda Äjuä. 32 Oxki ma gi japäbihu̱ dä mfeꞌtse yä judío, yä griego, nixi yä ku, 33 ja ngu nuga di hombäbi yä ñho gatꞌho yä jäꞌi ha gatꞌho yä tꞌo̱tꞌe, hingä di honi mä ñhose̱, pe hää di hombäbi yä ñho märꞌaa, pa dä za dä ñäni yä te.