Deuteronomio

4 »Yꞌo̱de, oh Israel: Jeoba mä Zi Dadahu̱ nꞌadä Jeoba. 5 Nuꞌi pe̱ꞌtsi te gi mädi ri Zi Dada Jeoba ko ngatꞌho ri koraso, ꞌne ko ngatꞌho ri alma ꞌne ko ngatꞌho ri tsꞌe̱di. 6 Nuya yä noya di mändaꞌibye̱ pe̱ꞌtsi te dä mꞌu̱i ha ri koraso, 7 ꞌne pe̱ꞌtsi te gi ꞌñutuäbi ri bätsi ꞌne gi ñä de geꞌu̱ nuꞌmu̱ gi huhui ha ri nguu, ꞌne nuꞌmu̱ gi ñꞌoui ha rä ꞌñuu, ꞌne nuꞌmu̱ ma gi ꞌme̱ni gi ähä ꞌne ora gi nangi. 8 Thätꞌi ha ri yꞌe̱ pa gi beni, ꞌne pe̱ꞌtsi te dä zo̱ho̱ dä nja ngu nꞌa rä benda ha ri de. 9 Yꞌofo nthetsꞌi de ha yä nꞌo̱ꞌtse ri goxthi nguu ꞌne ha ri goxthi. 10 Ora rä Zi Dada Jeoba dä maxꞌäꞌi pa gi ku̱tꞌi ha näꞌä rä hai bi ñäꞌti nuꞌu̱ ri xita Abrahán, Isaac ꞌne Jacob ge ma dä dä rꞌaꞌi —nꞌa rä hai näꞌä pe̱ꞌtsi yä hogä däta hnini näꞌä hingä handi hanja bi thoki, 11 habu̱ ja ndunthi yä hogä nguu ꞌne ñuxä yä hogä tꞌo̱tꞌe nuꞌu̱ hingo gä hoki, ꞌne pe̱ꞌtsi yä cisterna nuꞌu̱ hingo gä xei, ꞌne yä uä obxi ꞌne yä uä olibo nuꞌu̱ hingo gä u̱tꞌi— ꞌne gi hñudi gi ñuni asta gi niñä, 24 ꞌNepu̱ Jeoba bi mändagihu̱ gä pe̱fihu̱ gatꞌho nuya yä mhända ꞌne gä pe̱ꞌspäbihu̱ nꞌa rä hogä ntsu Jeoba, näꞌä mä Zi Dadahu̱; pa mä ñhose̱hu̱ ꞌne pa gä sigi gä pe̱ꞌtsihu̱ rä te ja ngu nubye̱.