Isaías

4 ¡Huekäte näꞌä rä hnini rä yꞌo̱tꞌä tsꞌoki, nꞌa rä hinini näꞌä di nduthai, yä bätsiꞌihu̱ yä tsꞌomꞌu̱i, yä bätsiꞌihu̱ yä ꞌñätsa! Xkä ꞌuegehu̱ de Jeoba ꞌne xkä ꞌme̱tuäbihu̱ rä tꞌekꞌei rä Santo de Israel. Hää, xkä he̱hu̱bu̱. 8 Rä tꞌixu Sion xä gohi ngu nꞌa rä zi jäꞌtsi ha nꞌa rä uä obxi, ngu nꞌa rä zi ze̱ngu ꞌmai ha nꞌa rä uä pepino, ngu nꞌa rä hnini näꞌä xä fahni yä nkontra pa hinto dä bo̱ni. 15 ꞌNe nuꞌmu̱ gi tu̱ngi ri yꞌe̱hu̱, nuga di ägi de geꞌähu̱ mä da. Mäske gi jahu̱ xa ndunthi yä sadi, nuga hindi o̱de; ri yꞌe̱hu̱ xä ñuxä yä ji. 16 Nxu̱kihu̱, ntꞌaxkihu̱; hñäkihu̱ de mä bista nuꞌu̱ yä ntsꞌomꞌu̱i gi o̱tꞌehu̱; ya ogi pe̱fihu̱ yä tsꞌo tꞌo̱tꞌe. 18 «Guä ehu̱ ꞌne ma gä juänihu̱ nuꞌu̱ yä xuñha ja entre nuju̱», enä rä Zi Dada Jeoba. «Mäske nuꞌu̱ ri pekadohu̱ xa xä nthe̱ni, ma dä tꞌaxki ngu yä xitse̱ nuꞌu̱ xa xä ntꞌaxi; mäske xträ nthe̱ni ngu rä the̱ngä dutu, ma dä zo̱ho̱ dä nja ngu rä tꞌaxä xiyꞌo.