Miqueas

4 Ha nuꞌu̱ yä gäxä pa, näꞌä tꞌo̱ho̱ de rä ngu Jeoba ma dä zo̱ho̱ dä mꞌai xä ñho mäñä de entre gatꞌho yä tꞌo̱ho̱, ꞌne ma dä nju̱tsꞌi de entre gatꞌho yä lomä, ꞌne ja gehni ma dä bo̱tsꞌe yä jäꞌi de gatꞌho yä hnini. 3 Näꞌä ma dä nzaya ꞌne ma dä hä rä juisio ha ndunthi yä hnini, ꞌne ma dä resolbebi yä asunto nuꞌu̱ yä dähni xa ja yä tsꞌe̱di. Nuꞌu̱ ma dä gu̱ yä däjuai ꞌne kongeꞌu̱ ma dä hyoki yä tꞌabi, ꞌne ko nuꞌu̱ yä lansa ma dä hyoki yä tꞌe̱xi. Yä dähni hingä ma dä gu̱ yä däjuai pa dä ntuhni ko märꞌa yä dähni, nixi ya hingä ma dä bädi yä gerra. 4 Kada nꞌa rä jäꞌi ma dä hñudi ha nuꞌu̱ yä xudi ma dä uni yä huähi de gä obxi ꞌne yä huähi de gä igo, ꞌne ya hinto ma dä mꞌu̱i toꞌo dä pidi; ngeꞌä rä Zi Dada Jeoba de yä ejército go xä promete njabu̱. 5 Ngeꞌä gatꞌho yä hnini ma dä hñäꞌtsuäbi rä thuhu nuꞌu̱ yä zidada di xo̱kämbeni. Pe nuju̱, ma gä häꞌtsuäbihu̱ rä thuhu mä Zi Dadahu̱ Jeoba pa nzäntho.