Salmos

37 Ogi nkue̱ po ränge nuꞌu̱ yä bo̱ka jäꞌi, ogi embidiabi nuꞌu̱ pe̱fi yä tsꞌo tꞌo̱tꞌe. 3 Pe̱ꞌspäbi rä komfiansa Jeoba ꞌne pe̱fi näꞌä xä ñho; ꞌmu̱i ha rä xiꞌmhai ꞌne yꞌo mänjuäntho ha gatꞌho näꞌä gi pe̱fi. 4 Hyoni Jeoba pa gi tini näꞌä xa mäjuäni rä johya, ꞌne näꞌä ma dä rꞌaꞌi näꞌä desea ri koraso. 5 Hyopäbi ge Jeoba dä gu̱hnäꞌi ha ri ꞌñuu; pe̱ꞌspäbi rä komfiansa, ꞌne näꞌä ma dä maxꞌäꞌi. 7 Ote gi mää, ꞌne sigi to̱ꞌmi pa gi hyandi te ma dä me̱fi Jeoba. Ogi nkue̱ po ränge nuꞌu̱ yä tsꞌomꞌu̱i jäꞌi gi handi po̱nibi xä ñho näꞌä beni dä me̱fi. 9 «Ngeꞌä nuꞌu̱ yä tsꞌomꞌu̱i jäꞌi, ma drä huati, pe nuꞌu̱ toꞌo to̱ꞌmi Jeoba, geꞌu̱ ma dä mꞌu̱i ha rä xiꞌmhai. 10 ꞌNe tsꞌu̱tho yä pa di ꞌme̱di pa dä uadi gatꞌho yä tsꞌomꞌu̱i jäꞌi; ꞌne ma gi hyoni habu̱ mi ꞌmu̱i, pe ya hingä ma gi hyandi. 11 Pe nuꞌu̱ yä mänxo jäꞌi, geꞌu̱ ma dä mꞌu̱i ha rä xiꞌmhai, ꞌne ma dä me̱ꞌtsi nꞌa rä mꞌu̱i temäꞌentho ko ndunthi rä johya. 25 Nuga nꞌa rä pa, dä mbäsjäꞌi ꞌne nubye̱ ya dä nxita, ꞌne xtä handi ge Äjuä nunka xä bandonä nuꞌu̱ yä hojäꞌi, nixi nuꞌu̱ yä bätsi hinxä mpe̱ti pa dä ñuni. 28 Ngeꞌä Jeoba di mädi rä justisia ꞌne näꞌä nunka ma dä bandonä nuꞌu̱ toꞌo pe̱päbi ko ngatꞌho yä koraso; nuyu̱ nzäntho ma drä su. Pe yä rꞌoho nuꞌu̱ yä tsꞌomꞌu̱i ma drä huati. 29 Nuꞌu̱ yä jäꞌi pe̱fi näꞌä xä ñho, geꞌu̱ ma dä mꞌu̱i ha rä xiꞌmhai, ꞌne ja ma dä mꞌu̱hni pa nzäntho. 34 Pe̱ꞌspä rä komfiansa Jeoba ꞌne yꞌo ha rä ꞌñuu, ꞌne näꞌä ma dä ꞌñetsꞌä ri nsu pa gi ꞌmu̱i ha rä Xiꞌmhai. Nuꞌmu̱ xti uadi yä tsꞌomꞌu̱i jäꞌi, nuꞌi ma gi hyandi.