2 Tesalonicenses

6 Nubye̱ zi kuhu̱, po rä thuhu mä zi Hmuuhu̱ Ñhesukristo di xiꞌähe ge gi ꞌuegehu̱ de nꞌa rä ku näꞌä hingi ne dä porta xä ñho ꞌne pe̱fi nuꞌu̱ yä tꞌo̱tꞌe hingi pa mähye̱gi ko nuꞌu̱ yä hogä nzäi gä hänihu̱ de gekhe. 10 Hää, nuꞌmu̱ dä tso̱ñꞌäꞌihe, xa njatꞌä ndi mändaꞌihe: «Mu̱ nꞌa rä jäꞌi hingi ne dä mpe̱fi, odi ñuni». 13 Pe nuꞌähu̱ zi kuhu̱, ogi he̱gihu̱ de gi pe̱fihu̱ näꞌä xä ñho. 14 Pe mu̱ dä mꞌu̱pu̱ toꞌo hingi ne dä yꞌo̱de näꞌä di mäñhe ha nunä karta, nuꞌähu̱ debe gi señalahu̱ näꞌä jäꞌi ꞌne ya ogi ntsitsꞌihu̱ kongeꞌä pa njabu̱ dä ꞌme̱ rä tsa. 15 Pe ogi handihu̱ näꞌä kuꞌä ngu nꞌa ri nkontrahu̱. Sino sigi gi umbäbihu̱ yä konseho ꞌne sigi gi hyandihu̱ ngu nꞌa rä ku.