Zacarías

4 ꞌNe ha näꞌä rä paꞌä yä ua ma dä mꞌai ha rä tꞌo̱ho̱ de gä olibo, rꞌandi de Jerusalén näꞌä kohi ha rä mbo̱xhyadi; ꞌne näꞌä tꞌo̱ho̱ de gä olibo pe̱ꞌtsi te dä hege ꞌne ma dä gohi mäde ha rä mbo̱xhyadi ꞌne mäde ha rä yu̱hyadi, ꞌne ma dä zo̱ho̱ dä nja nꞌa rä däta ꞌmatha; ꞌne mäde de näꞌä rä tꞌo̱ho̱ꞌä ma dä ñꞌäni pa rä norte ꞌne näꞌä mä nꞌa mäde ma dä ñꞌäni pa rä sur. 5 Nuꞌähu̱ pe̱ꞌtsi te gi mahu̱ ha näꞌä rä ꞌmatha ja ha nuꞌu̱ mä tꞌo̱ho̱, ngeꞌä näꞌä rä ꞌmatha ma dä ntu̱ngi asta dä zo̱ni ha Azel. Nuꞌähu̱ pe̱ꞌtsi te gi ꞌmatꞌihu̱, ja ngu nuꞌmu̱ gä ꞌmatꞌihu̱ mi nja nꞌa rä mbiꞌmhai ha nuꞌu̱ yä pa Uzías näꞌä rä rey de Judá. ꞌNe Jeoba mä Zi Dada ma dä ehe, ꞌne ma dä ñꞌoui gatꞌho nuꞌu̱ yä santo.