Salmos

96 Tutuäbihu̱ nꞌa rä rꞌayꞌo thuhu rä Zi Dada Jeoba. ¡Gatꞌho rä xiꞌmhai dä tutuäbi rä Zi Dada Jeoba! 2 Tutuäbihu̱ rä Zi Dada Jeoba ꞌne nsundabihu̱ rä thuhu. Nꞌa ngu nꞌa pa, uñhu̱ ntꞌo̱de ge go Geꞌä mä Ñäntehu̱. 3 Uñhu̱ ntꞌo̱de de geꞌä ha gatꞌho yä dähni, ꞌne xipäbihu̱ yä jäꞌi de gatꞌho yä hnini, hängutho nuꞌu̱ yä tꞌo̱tꞌe mähotho xä hyoki. 8 Umbäbihu̱ Jeoba näꞌä rä nsunda ri ꞌñepäbi dä hñäni rä thuhu, guä hämpäbihu̱ nꞌa rä regalo ꞌne ku̱tꞌihu̱ ha rä patio rä nguu. 9 Ndänehu̱ rä Zi Dada Jeoba ngeꞌä xä nsundatho ꞌne xä mäkä ntꞌaxi: ¡Dä nhuätꞌi gatꞌho rä xiꞌmhai ante Geꞌä! 10 Uñhu̱ ntꞌo̱de ha gatꞌho yä dähni: «¡Jeoba xä zo̱ho̱ xä Nrey! Rä xiꞌmhai go Geꞌä bi hyoki ꞌne hinto dä za dä hmäni. Ko rä justisia go Geꞌä ma dä juzga yä hnini». 11 Dä johya mähetsꞌi ꞌne rä xiꞌmhai; dä mafi rä ndehe ꞌne gatꞌho nuꞌu̱ ku̱ mboo; 12 dä johya yä bonthi ꞌne gatꞌho nuꞌu̱ ꞌmaini. Mähye̱gi ko nuꞌu̱ yä zaa ja ha yä boza dä mafi ko rä johya 13 ndelante de rä Zi Dada Jeoba, ngeꞌä Näꞌä xä ꞌñepu̱ pa dä juzga rä xiꞌmhai. Ko rä justisia ma dä juzga rä xiꞌmhai ꞌne yä hnini, ꞌne Näꞌä hingä ma dä faya.