¿Hanja dä za dä me̱ꞌtsi rä johya yä familia?

Pa dä mꞌu̱i ko rä johya ri familia, mähyoni dä nja rä mhäte (Efesios 5:33)

Äjuä di mända ge dä za dä nthäti ho̱nse̱ nꞌa rä ñꞌo̱ho̱ ko nꞌa rä ꞌme̱hñä.

Nꞌa rä däme rä hojäꞌi, di mädi ꞌne turämu̱i po rä ꞌme̱hñä.

Nꞌa rä ꞌme̱hñä, mähyoni dä matsꞌi rä däme.

Yä bätsi, mähyoni dä yꞌo̱te yä dada.

Nuꞌu̱ xä nthäti hindä nduxte o dä mbo̱ka, nixi dä me̱ꞌtsi märꞌa yä mengu (Colosenses 3:5, 8-10)

Rä Mäkä Tꞌofo mää ge rä däme, pe̱ꞌtsi te dä mädi rä ꞌme̱hñä ja ngu di mädi rä ndoyꞌo. Rä ꞌme̱hñä pe̱ꞌtsi te dä umbi ndunthi rä tꞌekꞌei rä däme.

Hinxä ñho ge nuꞌu̱ xä nthäti dä ñꞌähui märꞌa yä jäꞌi mu̱ hingä geꞌä rä däme o rä ꞌme̱hñä. Nꞌa rä ñꞌo̱ho̱ dä za dä me̱ꞌtsi ho̱nse̱ nꞌatho rä ꞌme̱hñä.

Rä Mäkä Tꞌofo utkägihu̱ hanja dä za dä me̱ꞌtsi rä johya yä familia.