¿Hanja dä za dä maxkägi rä Mäkä Tꞌofo?

MU̱ GO DI GEꞌI, ¿TE MA GI PE̱FI?

Imäjinä: David xä ma ko rä karro ha nꞌa rä luga habu̱ nunka xki ma. Pe mi hyandi yä nguu ꞌne rä thuhu nuꞌu̱ yä kaye, bi da ngue̱nda ge xä mꞌe̱di ꞌne hingi pädi habu̱ yꞌo. Nixi himbi da ngue̱nda te mä ora bi gu̱ mä nꞌa rä ꞌñuu.

Mu̱ go di geꞌi David, ¿te ma gi pe̱fi?

HÑUDI ꞌNE NTSO̱ꞌMI

¿Ndañꞌä de nuya hñuu yä opción ma gi huahni?

1. ¿Ma gi mꞌai ꞌne gi yꞌambäbi nꞌa rä jäꞌi hanja dä za gi tso̱tꞌe ha näꞌä rä luga habu̱ gi ma?

2. ¿Ma gi usa nꞌa rä mäpa o GPS pa gi tini rä ꞌñuu ꞌne gi tso̱ni ha näꞌä rä luga habu̱ gi ma?

3. ¿Ma gi sigi gi yꞌe̱tꞌi ri karro asta xa gi tinise̱ näꞌä rä luga habu̱ gi ma?

Mu̱ gi huahni rä opción C, xa ma dä jaꞌi xä ñhei gi tso̱tꞌe ha näꞌä rä luga habu̱ gi ma.

Rä opción B tobe mänꞌa xä ñho ke näꞌä rä opción A. Ngeꞌä mu̱ gi hñä nꞌa rä mäpa o nꞌa rä GPS, ma dä gu̱hnäꞌi durante rä ꞌñuu asta xa gi tso̱ni ha näꞌä rä luga habu̱ gi ma.

Ja ngu rä mäpa o rä GPS, rä Mäkä Tꞌofo dä za dä maxꞌäꞌi pa gi pädi te mä ꞌñuu gi ju̱u̱.

Kasi gatꞌho yä jäꞌi pe̱ꞌtsi nꞌa rä Mäkä Tꞌofo. Nunä mfistꞌofo:

• Dä za dä maxꞌäꞌi nuꞌmu̱ gi thogi yä xuñha.

• Dä za dä maxꞌäꞌi pa gi hyandi te ngu ri mꞌu̱i ꞌne pa tobe mänꞌa gi ñhojäꞌi.

• Dä za dä ꞌñutäꞌi hanja dä za gi pe̱ꞌtsi nꞌa rä mꞌu̱i mänꞌa xä ñho.

YÄ MPENGI NUꞌU̱ YÄ DÄTA NTꞌANI XÄ DUPÄBI YÄ MU̱I YÄ JÄꞌI

Nuju̱ nzäntho xtä o̱tꞌehu̱ yä ntꞌani. Nuꞌmu̱ dä fu̱di dä ñähu̱ ndi o̱thu̱ yä ntꞌani ngu:

• ¿Toꞌo bi hyoki rä Hyadi?

• ¿Konte xä thoki yä tso̱o̱?

ꞌNe ja ngu thogi yä je̱ya, nuꞌmu̱ di hanthu̱ nuꞌu̱ yä tꞌo̱tꞌe thogi ha rä xiꞌmhai, rꞌabu̱ di ñꞌanihu̱:

• ¿Por hanja di sufrihu̱?

• ¿Por hanja tu yä jäꞌi?

¡Rä Mäkä Tꞌofo thädi nuya yä ntꞌani!

Ndunthi yä jäꞌi enä ge rä Mäkä Tꞌofo hutsꞌi puru yä kuento, ge ya hingi ja rä muui, o ge xä ñhei toꞌo dä ntiende te mää. Pe, ¿xa mäjuäni njabu̱? ¿Mäjuäni näꞌä mää yä jäꞌi de rä Mäkä Tꞌofo, o hingi pädi xä ñho te udi rä Noya Äjuä?

Por ejemplo, yä jäꞌi huyämu̱i ge Äjuä go geꞌä di mända rä xiꞌmhai. Pe, ¿te di handihu̱ ha rä xiꞌmhai? ¡Hängu xä ziꞌti nuꞌu̱ yä tsꞌo tꞌo̱tꞌe thogi! Ja ndunthi yä u̱gi, yä sufrimiento, yä ñheni, rä du, yä thuhu ꞌne yä mbiꞌmhai. ¿Dä za gä eñhu̱ ge rä Zi Dada go geꞌä japi dä thogi nuya yä tsꞌo tꞌo̱tꞌe?

¿Gi ne gi pädi toꞌo di mända nunä xiꞌmhai? Rä Mäkä Tꞌofo thädi nunä ntꞌani.

Ja ngu ya gä da ngue̱nda, nuꞌu̱ yä tsꞌofo uni nunä foyeto xä thäi de rä Mäkä Tꞌofo. «Rä Mäkä Tꞌofo, Äjuä go bi ungä rä mfeni pa bi tꞌofo. Hänge xä ñho rä Mäkä Tꞌofo pa dä ñꞌutäte, pa dä ntsu̱te, pa dä ungä rä tsꞌofo.» (2 Timoteo 3:16, 17.) Yä testigo rä Jeoba hingi duda ge rä Mäkä Tꞌofo dä za dä gu̱nkägihu̱ ha mä mꞌu̱ihu̱. Tanto mäyaꞌmu̱ ngu mäpaya, nunä mfistꞌofo xä matsꞌi yä jäꞌi. ¡Ogi ꞌme̱di rä oportunida de gi pädi te hutsꞌi ha nunä mfistꞌofo!