Jeoba bi ꞌñutkägihu̱ gä mädihu̱

1. Mä Zi Dadahu̱ go bi ꞌñutkägihu̱

gä mähu̱ yä jäꞌi.

Bä pe̱nkägihu̱ ko ndunthi rä johya

näꞌä rä Tꞌu̱ xa mi mädi.

Bi gutꞌi rä thai pa bi ñängägihu̱,

bi uni rä te rä zi Ñhesukristo,

mä pekadohu̱ ya bi punꞌgägihu̱.

Mä Dadahu̱ di mäkägihu̱.

2. Pa gä de̱mbähu̱ rä hogä ejemplo

xä rꞌakhu̱ Jeoba,

ma gä fatsꞌihu̱ ko ndunthi rä johya

ꞌne gä mähu̱ nꞌa ngu mänꞌaa.

Pa gä udihu̱ ge nuju̱ di mhähu̱

ma gä ntsitsꞌihu̱, ma gä ñhojäꞌihu̱

ꞌne gä pumbähu̱ toꞌo tukägihu̱.

Ma gä mähu̱ gatꞌho mä kuhu̱.

3. Di ntsixu̱ xä ñho ko ngatꞌho mä kuhu̱

ngu nꞌa rä familia.

Ha mä mhuntsꞌihu̱ mäjuäni di nheki

rä nhuekäte ꞌne rä mhäte.

Di tinihu̱ua yä hogä amigo

ꞌne nꞌa ngu mänꞌaa gatꞌho xa di mhähu̱,

rä mhuntsꞌi geꞌä nꞌa rä paraiso.

Rä Hyokäte, Jeoba rä mhäte.