Te dä za gi pe̱fi pa mänꞌa gi probecha xä ñho kada nꞌa rä lección
Änte de gi fu̱di nunä curso, hñeti nunä nxii 2 ˈne rä nxii 3. ꞌNepu̱ yꞌe̱ntsꞌi rä BIDEO.
RÄ PARTE NꞌAA
Hñeti näꞌä rä imformäsio ehe ha näꞌä rä mu̱di nxii de näꞌä rä lección ma gi fu̱di gi nxadi. Jamäsu nuya yä konseho: (A) Hñeti kada nꞌa de nuꞌu̱ yä ntꞌani ko yä parrafo. (B) Hñeti gatꞌho nuꞌu̱ yä testo ehe ha kada nꞌa rä parrafo.
RÄ PARTE YOHO
Habu̱ enä «Hanja dä za dä maxꞌäꞌi rä Noya Äjuä» gehnä ma gi hyandi: (C) Esplika näꞌä ma gi pädi ha näꞌä lección. (D) Dende nuua, kada nꞌa rä numero xiꞌi näꞌä ma gi hyandi.
YÄ BIDEO. Ma gi hyandi ge ehe yä bideo nuꞌu̱ ma dä maxꞌäꞌi gi ntiende mänꞌa xä ñho näꞌä rä imformäsio gi nxadi ha näꞌä lección. Rꞌa de nuꞌu̱ yä bideo pede näꞌä xa mäjuäni xä thogi nuꞌu̱ yä ku po̱ni ha rä bideo. Ha märꞌa yä bideo, nuꞌu̱ yä ku po̱ni ho̱nse̱ udi näꞌä xa mäjuäni xä thogi o näꞌä dä za dä thogi rꞌa yä ku.
(E) Ko ri xahnäte hñeti yä testo, thädi yä ntꞌani ꞌne hyandi nuꞌu̱ yä bideo ehe. ꞌNehe mähyoni gi jamäsu nuꞌu̱ yä foto ꞌne nuꞌu̱ yä dibujo, ꞌne hñeti nuꞌu̱ yä noya ehe kongeꞌu̱. (F) Habu̱ enä «Rꞌa yä jäꞌi enä», ma gi ntso̱ꞌmi te dä za gi thädi ora te dä xiꞌi o dä ñꞌani yä jäꞌi.
RÄ PARTE HÑUU
Kada nꞌa rä lección huadi njaua: (G) Habu̱ enä «Näꞌä dä pädihu̱» ehe nꞌa rä resumen, ꞌne rꞌa yä ntꞌani «Pa gä benihu̱» näꞌä dä handihu̱. (H) Ma gi yꞌofo te mä fecha gä huadi gä nxadi näꞌä lección. ꞌNehe habu̱ enä «Hyoki de gä tarea» xiꞌi te dä hogi gi pe̱fi pa mänꞌa gi bansa ha rä ꞌñuu Äjuä ꞌne dä te ri jamfri. (I) Habu̱ enä «Habu̱ dä za gi pädi mä nꞌa tu̱i» ma gi tini märꞌa yä artikulo ꞌne märꞌa yä bideo nuꞌu̱ ma dä maxꞌäꞌi gi ntiende mänꞌa xä ñho.
Hanja xä dibidi nunä mfistꞌofo
|
|
|
|
|
Hanja dä za gi hyoni yä testo ha ri Biblia
Rä Biblia pe̱ꞌtsi 66 yä tꞌu̱kä libro. Dende rä mfistꞌofo Génesis asta rä mfistꞌofo Malaquías fädi ngu yä Escrituras Hebreoarameas, ngeꞌä bi tꞌofo ha rä idioma hebreo ꞌne arameo (rꞌa yä jäꞌi embäbi Ndäxjua Testamento). ꞌNe dende rä mfistꞌofo Mateo asta rä mfistꞌofo Apocalipsis fädi ngu yä Escrituras Griegas Cristianas, ngeꞌä bi tꞌofo ha rä idioma griego (rꞌa yä jäꞌi embäbi Rꞌayꞌo Testamento).
Ora no̱ni nꞌa rä testo de rä Biblia ha nunä mfistꞌofo, ehe njaua: (A) Te mä mfistꞌofo, (B) te mä capítulo, (C) te mä versículo.
Por ejemplo Juan 17:3, signifika ge ma gi hyoni «rä mfistꞌofo Juan, rä capítulo 17, rä versículo 3».