RÄ JÄHÑÄ 161
Xi nꞌa rä johya pa geki gä pe̱fi ri bolunta
1. Ora ri zi Tꞌu̱ bi nxixtehe,
näꞌä bi yꞌo̱de ri noya.
Pa rä Hesu xa mi mähyoni
dä me̱fi ri bolunta .
Nzäntho xa bi ñäni ri thuhu
ꞌne bi u̱tsa yä tsꞌoki.
Nuga ma gä jaꞌi gi johya
ja ngu bi me̱fi ri Tꞌu̱.
(CORO)
Xi nꞌa rä johya pa geki
gä pe̱pꞌäꞌi ri bolunta.
Ma gä rꞌaꞌi nu mä tsꞌe̱di.
Ma gä ñꞌo ha ri zi ꞌñuu.
Xi nꞌa rä johya pa geki
gä pe̱pꞌäꞌi ri bolunta.
Tsa gä handi gi mäkägi.
Nzäntho ma gä nsundaꞌi
mä Dadaꞌi.
2. Xa dä johya ora dä pädi
de geꞌi, mä Zi Dadaꞌi .
Ma gä udi näꞌä mäjuäni
ꞌne gä ñä de rängeꞌi.
Xa di ho gä mpe̱fi pa geꞌi
ha yä hyo mä zi kuhe.
Xa di ho gä häxä ri thuhu.
Nzäntho ma gä pepꞌäꞌi.
(CORO)
Xi nꞌa rä johya pa geki
gä pepꞌäꞌi ri bolunta.
Ma gä rꞌaꞌi nu mä tsꞌe̱di.
Ma gä ñꞌo ha ri zi ꞌñuu.
Xi nꞌa rä johya pa geki
gä pe̱pꞌäꞌi ri bolunta.
Tsa gä handi gi mäkägi.
Nzäntho ma gä nsundaꞌi
mä Dadaꞌi.
Di ho gä pepꞌäꞌi.
(Hyandi ꞌnehe Sal. 40:3, 10.)