Näꞌä xä thogi ha mä mäkä ꞌme̱fihu̱

Yä publikador xa bi johya ndunthi nuꞌmu̱ bi mhää ge dä za gä mpe̱fihu̱ de gä prekursor ausiliar ko ho̱nse̱ 30 yä ora ha näꞌä zänä tagi rä Fenäte de rä du rä Hesu, o nuꞌmu̱ tso̱ngägihu̱ rä biajante ha rä mhuntsꞌi. Ha nuꞌu̱ yä luga di tokabi rä ngu Betel dä hyandi rä tꞌungä ntꞌo̱de, bi zo̱te 361.174 yä prekursor ausiliar ha näꞌä je̱ya 2010. ꞌNe pa rä je̱ya 2014, bi zo̱te 774.144 yä prekursor ausiliar. Dä za gä eñhu̱ ge dende rä 2010 asta rä 2014 bi xu mä 412.970 yä prekursor ausiliar. Sigi gi hyoni hanja dä za gi mpe̱fi de gä prekursor ausiliar ꞌne tini rä johya de gi nsunda rä Zi Dada Jeoba (Sal. 73:28).