Hanja dä za gä uñhu̱ ntꞌo̱de mänꞌa xä ñho: fatsꞌi yä rꞌayꞌo publikador

Por hanja xa mähyoni. Nuꞌu̱ fu̱di di de̱mbäbi rä kꞌoi rä Hesu pe̱ꞌtsi te dä bädi dä «yꞌo̱tꞌe gatꞌho» näꞌä xä mända, ngu, dä ꞌñuti märꞌa näꞌä mäjuäni de Äjuä (Mat. 28:19, 20). Ndunthi de nuꞌu̱ häni nꞌa rä ntꞌudi de rä Mäkä Tꞌofo, ya thogi ha Rä Ngunsadi pa toꞌo udi rä Noya Äjuä, ꞌne zäi ge rꞌabu̱ fu̱di xipä yä pariente ꞌne yä amigo näꞌä xä bädi de Äjuä. Pe ngu ri te yä mhäte po näꞌä xä bädi, di da ngue̱nda ge Jeoba ne ge gatꞌho yä jäꞌi dä bädi de geꞌä, ꞌne nuꞌu̱ ma dä ne dä bo̱ni dä ungä ntꞌo̱de ngu nꞌa publikador. (Rom. 10:13, 14). Hänge nubye̱ ma dä ja mꞌe̱di gä utihu̱ pa njabu̱ hindä ntsu dä ungä ntꞌo̱de. Nunä mäkä ꞌme̱fi ma dä matsꞌi dä te yä jamfri ꞌne yä mfädi ha rä ꞌme̱fi Äjuä (Luc. 6:40).

Te dä za gä pe̱fihu̱:

Fatsꞌi näꞌä rꞌayꞌo publikador dä me̱ꞌtsi gatꞌho nuꞌu̱ yä he̱ꞌmi di japä mꞌe̱di pa dä ungä ntꞌo̱de ꞌne pa dä ꞌñuti märꞌaa. ꞌÑuti hanja xkä komuda ri murra de gä tꞌungä ntꞌo̱de ꞌne hanja gi usa kada nꞌa de nuꞌu̱ yä he̱ꞌmi gi hñä.
Huahnihu̱ mähye̱gi nꞌa rä presentasion näꞌä ehe ha Mä Mäkä ꞌMe̱fihu̱ pa Äjuä, nsayahu̱, ꞌne ꞌñuti hanja dä mää ko yä noyase̱. De rä mfistꞌofo Benefíciese, rä nxii 82, huahnihu̱ nꞌa rä marco de circunstancias ja ngu gi handi ge di ja mꞌe̱di ha rä territorio. Bembäbi ge mähyoni gä ñhokihu̱ ꞌne gä huahnihu̱ xä ñho nuꞌu̱ mä dutu ma gä hehu̱ pa gä uñhu̱ ntꞌo̱de (2 Cor. 6:3, 4).
Ja märꞌa yä tꞌo̱tꞌe nuꞌu̱ mähyoni gi ꞌñuti. ꞌÑuti nꞌa rä Tarjeta del mapa del territorio ꞌne mu̱ gi tinihu̱ nꞌa rä jäꞌi näꞌä dä yꞌo̱de xä ñho, ꞌñuti hanja dä ñuꞌtsi nꞌa rä rejistro de gä nguu. ꞌÑuti hanja dä ja yä rebisita pa dä sigi dä matsꞌi nuꞌu̱ yä jäꞌi (1 Cor. 3:6). ꞌNehe ꞌñuti hanja dä usa jw.org ꞌne rä foyeto Buenas nuevas para gente de todas las naciones pa dä ungä ntꞌo̱de.
Pe̱ꞌspäbi rä pasensia ꞌne felisita po näꞌä pe̱fi (Prov. 25:11). Mähyoni dä hyandi ge ꞌnehe gi pe̱fi nuya yä tsꞌofo. Näꞌä rꞌayꞌo publikador nunka ma dä pumfri näꞌä ri johya ꞌne ri mhäte po rä tꞌungä ntꞌo̱de ꞌne gatꞌho näꞌä gi pe̱fi po gi fatsꞌi.

Pe̱fi nuya yä tsꞌofo nunä zänä:

Mbitabi ri estudio näꞌä ya rä publikador dä bo̱ni kongeꞌi pa gi uñhu̱ ntꞌo̱de, pa gi jahu̱ yä rebisita o yä estudio. Pe mu̱ hingi pe̱ꞌtsi nꞌa ri estudio, mbitabi nꞌa rä rꞌayꞌo publikador de rä mhuntsꞌi.