Näꞌä xä thogi ha mä mäkä ꞌme̱fihu̱

Di rꞌakägihe rä johya gä xiꞌähe ge ha rä Fenäte de rä du rä Hesu de nunä je̱ya 2015, bi ntini ha mä regionhu̱ 2.720.679 yä jäꞌi. Kongehnä di handihu̱ ge de kada nꞌa rä publikador, bi ntini ngu yoho yä jäꞌi. Ko rä jäpi rä Zi Dada Jeoba, ha rꞌa yä dähni de mä regionhu̱, nunä je̱ya mänꞌa bi ntini ndunthi yä jäꞌi ke nuꞌu̱ märꞌa yä je̱ya xä thogi. Nuꞌmu̱ di ntso̱ꞌmihu̱ po näꞌä bi me̱fi Jeoba mi uni rä Tꞌu̱ pa bi du po nuju̱, japi dä te mä mhätehu̱ po geꞌä ꞌne po rä Hesu (2 Cor. 5:14, 15).