Näꞌä xä thogi ha mä mäkä ꞌme̱fihu̱

Di rꞌakhe rä johya gä xiꞌähe ge durante rä je̱ya 2015, ya xä tꞌo̱tꞌe 49 yä Ngunsadi pa yä Ebanjelisador de rä Tsꞌu̱tꞌhui Äjuä, ha 36 yä luga de rä territorio rä ngu Betel de Centroamérica. Asta mäpaya 1.100 nuꞌu̱ yä ku ꞌne yä nju xä ntini ha nunä ngunsadi ꞌne xä mꞌe̱hni ha 600 yä mhuntsꞌi habu̱ otho ndunthi yä publikador. Di mbitaꞌihe ge mu̱ gi kumpli ko nuꞌu̱ yä rekisito tꞌadi ꞌne gi ne gi ma ha nunä ngunsadi, dä za gi ñuꞌtsi nꞌa rä solisitu. ¡Hinte mä duda ja, näꞌä rä ntꞌudi mänꞌa xä ñho bi ehe de rä Zi Dada Jeoba! (Is. 54:13.)