Job bi ꞌñudi hängu xki ziꞌti yä dumu̱i

Mäske Job bi ñhoya, bi thogi yä dumu̱i ꞌne bi zu̱di nꞌa rä tsꞌo ñheni, nunka bi ꞌuege de Jeoba. Pe nubye̱ rä Zithu bi me̱mpäbi mä nꞌa rä prueba, bi usa hñuu yä ñꞌo̱ho̱ nuꞌu̱ bi ma bä nuu Job. Nuyu̱ ꞌñenä xa mäjuäni mi tuyämu̱i po näꞌä mi thogi Job, pe durante yoto yä pa ho̱nse̱ mi nu̱ꞌtätho ꞌne hinte mi xipäbi. Pe mꞌe̱fa, nuyu̱ bi xoki yä ne ho̱nse̱ pa mänꞌa xa bi u̱mbäbi rä mfeni Job.

Job nunka bi hye̱gi de dä me̱päbi Jeoba mäske bi thogi yä däta xuñha

6:3; 7:16; 9:20-22; 10:1, 12

• Job xa bi thogi ndunthi yä sufrimiento ꞌne geꞌä bi japi bi mbeni ge mu̱ geꞌä mi pe̱fi o hinä, Jeoba himi mportabi.

• Nuꞌu̱ yä xuñha mi pe̱ꞌtsi Job, bi goꞌtuäbi yä da ꞌne himi hopi dä hyandi ge nuꞌu̱ yä xuñha mi ehe de rä Zithu, hingä de Äjuä.

• Mäske Job xa bi sufri, ante yä da nuꞌu̱ hñuu yä ñꞌo̱ho̱, bi mää hängu mi mädi Jeoba.