¿Dä za gi mprekursor nꞌa nje̱ya?

¿Gä mprekursor regular? ¡Hää! Hyandäse̱ hängu yä jäpi ma gi hñäni (Pr 10:22).

MU̱ GI MPREKURSOR MA DÄ MAXꞌÄꞌI PA:

• Dä za gi pädi gi ungä ntꞌo̱de mänꞌa xä ñho ꞌne gi tini ndunthi rä johya.

• Mänꞌa dä te ri ntsitsꞌi ko rä Zi Dada Jeoba. Ngeꞌä entremäs gi ñä de geꞌä, mänꞌa ma gi yꞌe̱ntꞌi ha ri mfeni nuꞌu̱ yä hogä mꞌu̱i pe̱ꞌtsi.

• Dä za gi tini rä johya, ngeꞌä ma gi usa ri te, ri tsꞌe̱di ꞌne ri tiempo pa gi pe̱päbi rä bolunta Jeoba ꞌne pa gi fatsꞌi märꞌa yä jäꞌi dä bädi de geꞌä (Mt 6:33; Hch 20:35).

• Dä za gi ntini ha näꞌä rä mhuntsꞌi o̱tꞌe rä superintendente ko yä prekursor durante rä visita ꞌne ha näꞌä rä mhuntsꞌi di tꞌo̱tꞌe ko yä prekursor tatꞌä je̱ya änte de rä däta mhuntsꞌi de gä circuito. ꞌNehe asta dä za gi ntini ha näꞌä rä Ngunsadi pa yä Prekursor.

• Dä za gi fu̱di märꞌa yä estudio.

• Dä za gi ungä ntꞌo̱de ko märꞌa yä ku ꞌne gi nupä mfenihu̱ nꞌa ngu mänꞌaa (Ro 1:11, 12).