12 asta 18 de rä septiembre
SALMOS 120-134
Rä jähñä 33 ꞌne rä sadi
Mää te ma gä pädihu̱ (3 min. o menu)
YÄ TESORO DE RÄ NOYA ÄJUÄ
«Mä mfatsꞌi bi ehe de Jeoba» (10 min.):
Sl 121:1, 2. Gä pädihu̱ ge Jeoba geꞌä rä Hyokäte de gatꞌho yä tꞌo̱tꞌe, rꞌakägihu̱ rä komfiansa (w04-S 15/12 rä nxii 12, rä parr. 3).
Sl 121:3, 4. Jeoba pädi te japäbi mꞌe̱di yä ꞌme̱go (w04-S 15/12 rä nxii 12, rä parr. 4).
Sl 121:5-8. Jeoba nunka ma dä hye̱gi de dä su rä hnini (w04-S 15/12 rä nxii 13, yä parr. 5-7).
Hyoni hanja dä maxꞌäꞌi rä Noya Äjuä (8 min.):
Sl 123:2. ¿Por hanja mäyaꞌmu̱ yä ꞌme̱go mi nu̱ꞌtuäbi “yä yꞌe̱ rä hmuu” ꞌne te dä za gä pädihu̱ de geꞌä? (w06-S 1/9 rä nxii 15, rä parr. 4.)
Sl 133:1-3. ¿Te mä ntꞌudi di tinihu̱ ha nunä rä salmo? (w06-S 1/9 rä nxii 16, rä parr. 3.)
¿Te utkägi de Jeoba näꞌä dä heti ha rä Mäkä Tꞌofo nunä semänä?
¿Hanja ma dä maxkägi ha rä tꞌungä ntꞌo̱de näꞌä dä heti ha rä Mäkä Tꞌofo nunä semänä?
Hñeti rä Mäkä Tꞌofo (4 min. o menu): Sl 127:1–129:8
MA GÄ UDIHU̱ MÄNꞌA XÄ ÑHO
Nuꞌmu̱ di uñhu̱ ntꞌo̱de (2 min. o menu): Usa rä tema de rä wp16.5-S. ꞌÑudi hanja dä za gä thädihu̱ ora po̱ni nꞌa rä jäꞌi näꞌä di nkue̱.
Nuꞌmu̱ di jahu̱ yä rebisita (4 min. o menu): Usa rä tema de rä wp16.5-S. Mbitabi dä ntini ha yä mhuntsꞌi.
Nuꞌmu̱ di jahu̱ yä estudio (6 min. o menu): Usa rä fg rä ntheke 8, rä parr. 6. Fatsꞌi ri estudio pa dä hyandi hanja dä za dä me̱fi nuꞌu̱ yä tsꞌofo.
MÄ MꞌU̱IHU̱ NGU YÄ KRISTIANU
Rä jähñä 114
Jeoba xä maxkägi ndunthi (15 min.): Yꞌe̱ntsꞌi nunä bideo. (Ku̱tꞌi ha jw.org/ote habu̱ enä PÄDI TOꞌOGIHE > TE DI PE̱FIHE). ꞌNepu̱ yꞌo̱tꞌe nuya yä ntꞌani: ¿hanja bi bädi Crystal de Jeoba ꞌne hanja geꞌä bi matsꞌi? ¿Te pe̱fi ora beni nuꞌu̱ yä tsꞌo tꞌo̱tꞌe bi thogi? ¿Hanja dä za dä maxꞌäꞌi rä ejemplo Crystal?
Ntꞌudi de rä Mäkä Tꞌofo ha rä mhuntsꞌi (30 min.): bh rä ntheke 2, yä parrafo 10-16.
Näꞌä dä pädihu̱ ꞌne näꞌä ma gä hanthu̱ näꞌä mä nꞌa semänä (3 min.)
Rä jähñä 111 ꞌne rä sadi