¿Gi usa nuꞌu̱ yä tarjeta habu̱ di mbitabi yä jäꞌi dä yu̱tꞌi ha jw.org?

Ngu thogi yä pa, rä däta tribulasion mänꞌa ꞌmu̱i getbu̱, hänge tobe mänꞌa xa mähyoni gä uñhu̱ ntꞌo̱de de rä Noya Äjuä (Pr 24:11, 12, 20). Pa gä fatsꞌihu̱ yä jäꞌi dä bädi te udi rä Noya Äjuä, dä za gä usahu̱ nuꞌu̱ tarjeta habu̱ di mbitabi yä jäꞌi dä yꞌu̱tꞌi ha jw.org. Nuya yä tarjeta pe̱ꞌtsi nꞌa rä código näꞌä tsitsꞌi ha rä bideo ¿Por hanja mähyoni gä nxadihu̱ rä Mäkä Tꞌofo? ꞌne uni nꞌa rä imbitasio pa toꞌo ne dä dini mä nꞌa tu̱i rä imformasion o ne dä hñäni nꞌa rä ntꞌudi de rä Mäkä Tꞌofo. Rꞌa yä jäꞌi hindi ho dä hñäni nuꞌu̱ yä publicación di unihu̱, pe hää ne dä yu̱tꞌi ha näꞌä luga di pe̱ꞌtsihu̱ ha Internet. Geꞌu̱ dä za gi umbäbi nꞌa de nuya yä tarjeta. Pe ogi umbäbi nuꞌu̱ yä jäꞌi hinte ne dä bädi de Äjuä.

Hyaxtho di nthe̱hu̱ yä jäꞌi nuꞌu̱ dä za gä umbäbihu̱ nꞌa rä tarjeta. Dä za gi ꞌñembäbi: «Di ne gä rꞌaꞌäꞌi nunä tarjeta. Hutsꞌi nꞌa rä dirección de Internet habu̱ ma gi tini yä bideo ꞌne yä imformasion de ndunthi yä tema. Hinte ma gi jutꞌi pa gi hyandi o gi descarga» (Jn 4:7). Nuya yä tarjeta dä za gi hñätsꞌi habu̱ gi yꞌo pa gi umbäbi yä jäꞌi ora dä nja rä oportunida.