Rä Xiꞌmhai ma dä ñudi de rä mfädi Jeoba

11:6-9

¿Hanja bi kumpli nunä profesia ko yä israelita?

• Nixi ha näꞌä ꞌñuu bi gu̱ yä israelita mi bo̱ni de Babilonia, nixi ha näꞌä hai habu̱ bi mengi, yä israelita himbi thogi yä ntsu po yä mbängä zuꞌue nixi po yä bo̱ka jäꞌi (Esd 8:21, 22).

¿Hanja di kumpli nunä profesia mäpaya?

• Näꞌä rä mfädi bi ehe de Jeoba, xä patuäbi yä mꞌu̱i ndunthi yä jäꞌi. Nuꞌu̱ xa mi yä bo̱ka xä zo̱ho̱ xä ñhojäꞌi. Näꞌä rä mfädi bi ehe de Jeoba, xä japi ndunthi yä jäꞌi de gatꞌho rä Xiꞌmhai, dä mädi nꞌa ngu mänꞌaa, ꞌñenä ngu ꞌmu̱i ha nꞌa rä paraiso.

¿Hanja ma dä kumpli mꞌe̱fa nunä profesia?

• Gatꞌho rä Xiꞌmhai ma dä zo̱ho̱ dä nja nꞌa rä paraiso habu̱ ma dä nja nꞌa rä hogä mꞌu̱i ꞌne hinte mä ntsꞌomꞌu̱i ma dä nheki, ja ngu mi ne Äjuä dende ri mu̱di. Yä zuꞌue ꞌne yä jäꞌi ya hingä ma dä mbo̱ka.

Näꞌä rä mfädi bi ehe de Jeoba, bi patuäbi rä mꞌu̱i Pablo

• Nuꞌmu̱ Pablo mi rä fariseo, näꞌä xa mi rä bo̱ka ꞌñenä mi nꞌa rä mbängä zuꞌue (1Ti 1:13).

• Pe näꞌä xa mäjuäni rä mfädi, geꞌä bi patuäbi rä mꞌu̱i (Col 3:8-10).