Fatsꞌi ri bätsi pa dä te ꞌne dä ze̱di nuꞌu̱ yä jamfri po mä Hyokätehu̱

Gatꞌho nuꞌu̱ yä tꞌo̱tꞌe di handihu̱ udi rä nsunda Jeoba (Sl 19:1-4; 139:14). Pe rä Zithu di xani yä ntꞌudi nuꞌu̱ ꞌme̱ꞌtuäbi rä tꞌekꞌei Jeoba ora udi ge Jeoba hingo geꞌä xä uni rä te (Ro 1:18-25). Dadahu̱, ¿te dä za gi pe̱fihu̱ pa njabu̱ nuꞌu̱ yä tsꞌo ntꞌudi hindä yu̱tꞌä ha yä mfeni ꞌne ha yä koraso nuꞌu̱ ri bätsihu̱? Fatsꞌihu̱ dende nuꞌmu̱ yä zi tꞌu̱kä bätsi, pa njabu̱ dä te yä jamfri po rä Zi Dada Jeoba ꞌne dä bädi ge näꞌä xa mäjuäni ꞌmu̱i ꞌne di mädi (2Co 10:4, 5; Ef 6:16). Hyandihu̱ te di mbeni ri bätsihu̱ de näꞌä tꞌutuäbi ha rä skuela, ꞌne usahu̱ nuꞌu̱ yä mfatsꞌi di pe̱ꞌtsihu̱ pa gi tso̱mbäbihu̱ ha yä koraso (Pr 20:5; Snt 1:19).

HYANDIHU̱ RÄ BIDEO NÄꞌÄ DI MBENI YÄ BÄSJÄꞌI: POR HANJA DI KAMFRI ÄJUÄ. MꞌE̱FA THÄDIHU̱ NUYA YÄ NTꞌANI:

• ¿Te mängä yä jäꞌi de nuꞌu̱ ja yä mfädi?

• ¿Te tꞌudi ha ri skuela de hanja bi zo̱ho̱ bi nja rä te?

• ¿Te jaꞌi gi kamfri ge Jeoba xa mäjuäni ꞌmu̱i?

• ¿Te mä raso ma gi umbäbi nꞌa rä jäꞌi pa dä gamfri ge Äjuä go geꞌä bi hyoki gatꞌho yä tꞌo̱tꞌe?