Ma gä usahu̱ xä ñho yä publicación

Rä Hesu bi ꞌñenä: «Bi tꞌaꞌäthohu̱; unthohu̱ ꞌnehe» (Mt 10:8). Nuju̱ di o̱dehu̱ nunä mhända ngeꞌä hindi pahu̱ yä Mäkä Tꞌofo nixi nuꞌu̱ yä he̱ꞌmi di unihu̱ (2Co 2:17). Nuya yä he̱ꞌmi xa ja ndunthi rä muui ngeꞌä hutsꞌi näꞌä mäjuäni de rä Noya Äjuä. Pe di pädihu̱ ge pa dä thoki ꞌne pa dä ꞌme̱hni ha nuꞌu̱ yä mhuntsꞌi ja po gatꞌho rä Xiꞌmhai, tsitsꞌi ndunthi rä ꞌme̱fi ꞌne rä bojä. Hänge mähyoni gä adihu̱ ho̱nse̱ nuꞌu̱ ma gä usahu̱.

Hyandi xä ñho toꞌo ma gi umbäbi nꞌa rä he̱ꞌmi, asta nuꞌmu̱ di hutsꞌihu̱ nuꞌu̱ exhibidor o yä mexa de gä tꞌungä ntꞌo̱de (Mt 7:6). En lugar de gi umbäbi nꞌa rä he̱ꞌmi gatꞌho nuꞌu̱ thogi, mänꞌa dä hogi gi hyoni hanja dä za gi ñäui pa gi hyandi mu̱ hää ma dä hñeti näꞌä he̱ꞌmi o hinä. Ora gi beni gi uni nꞌa rä he̱ꞌmi, dä hogi gi yꞌo̱tꞌäse̱ nuꞌu̱ yä ntꞌani huxä ha rä rekuadro, ꞌne mu̱ gi thädi hää mäske ho̱nse̱ nꞌa de nuya yä ntꞌani, dä hogi gi ofresebi nꞌa rä he̱ꞌmi. Mu̱ ngu gi duda, dä hogi gi umbäbi ho̱nse̱ nꞌa rä tratado. Pe mu̱ nꞌa rä jäꞌi dä yꞌadise̱ nꞌa rä he̱ꞌmi o nꞌa rä rebista, ko ndunthi rä johya ma gä umbäbihu̱ (Pr 3:27, 28).