Näꞌä rꞌayꞌo mähetsꞌi ꞌne näꞌä rꞌayꞌo xiꞌmhai, ma dä uni ndunthi rä johya

Näꞌä promesa huxä ha Isaías 65, xa mäjuäni ma dä thogi njabu̱, ngeꞌä Jeoba mää de geꞌä ꞌñenä go ya bi kumpli.

Jeoba hoki mä rꞌayꞌo «mähetsꞌi» ꞌne nꞌa rä rꞌayꞌo «xiꞌmhai» habu̱ nuꞌu̱ «yä tꞌo̱tꞌe mi ja mä mꞌe̱tꞌo ya hingä ma dä ehe» ha mä mfenihu̱

65:17

¿Te ri bo̱ni näꞌä rä rꞌayꞌo «mähetsꞌi»?

• Geꞌä nꞌa rä rꞌayꞌo tsꞌu̱tꞌhui o gobiernu näꞌä ma dä hä rä justisia ha rä Xiꞌmhai.

• Näꞌä gobiernu bi mu̱di dende rä je̱ya 1914, nuꞌmu̱ rä Kristo bi thutsꞌi ngu de gä Ndä o Rey de rä Tsꞌu̱tꞌhui Äjuä.

¿Te ri bo̱ni näꞌä rä rꞌayꞌo «xiꞌmhai»?

• Gatꞌho nuꞌu̱ yä jäꞌi yä mengu de gatꞌho yä dähni, yä idioma, ꞌne yä rasa, nuꞌu̱ o̱te ko rä johya rä Tsꞌu̱tꞌhui Äjuä.

¿Te ri bo̱ni nuꞌmu̱ enä ge nuꞌu̱ «yä tꞌo̱tꞌe mi ja mä mꞌe̱tꞌo ya hingä ma dä ehe» ha mä mfenihu̱?

• Gatꞌho nuꞌu̱ yä tꞌo̱tꞌe u̱ngägihu̱ mäpaya —ngu yä ñheni, yä dumu̱i ꞌne märꞌa yä sufrimiento— ya hinto ma dä beni.

• Gatꞌho nuꞌu̱ yä jäꞌi o̱te Äjuä, ma dä me̱ꞌtsi nꞌa rä mꞌu̱i temäꞌentho, ꞌne hyaxtho ma dä me̱ꞌtsi ho̱nse̱ yä hogä thogi, ꞌne ho̱nse̱ yä hogä tꞌo̱tꞌe ma dä beni.