MÄ MꞌU̱IHU̱ NGU YÄ KRISTIANU
Ma gä mꞌu̱ihu̱ ja ngu xä ꞌñutkägihu̱ Jeoba
Rä Zi Dada Jeoba go geꞌä hutsꞌi yä mhända ꞌne xipäbi yä jäꞌi hanja ri ꞌñehe dä mꞌu̱i. Por ejemplo, näꞌä xä mää ge ho̱nse̱ di debe dä nthäti nꞌa rä ñꞌo̱ho̱ ko nꞌa rä ꞌme̱hñä ꞌne ge hingi debe dä ñhe̱gi (Mt 19:4-6, 9). Jeoba xa di u̱tsa nuꞌu̱ yä tsꞌoki o̱tꞌe yä ꞌñätsa jäꞌi ko yä ndoyꞌo (1Co 6:9, 10). ꞌNehe uni yä tsꞌofo de hanja di debe gä ñhehu̱ ꞌne gä ñhokihu̱, pa njabu̱ dä nheki ge di nꞌañꞌohu̱ de nuꞌu̱ yä jäꞌi hingi pe̱päbi Äjuä (Dt 22:5; 1Ti 2:9, 10).
Mäpaya, ndunthi yä jäꞌi hingi ne dä yꞌo̱te yä mhända Jeoba (Ro 1:18-32). Nuꞌu̱ di ñhee, di ñhoki ꞌne di porta ja ngu handi pe̱fi märꞌa yä jäꞌi, ꞌne asta exä yä nsu de nuꞌu̱ yä mꞌu̱i hätsꞌi. Pe hingä ho̱nse̱ꞌä, nuꞌu̱ asta ñämäñꞌu̱ de nuꞌu̱ hingi mꞌu̱i nguꞌu̱ (1Pe 4:3, 4).
Pe koꞌmu̱ nuju̱ di pe̱päbihu̱ Jeoba, pe̱ꞌtsi te hingä ntsuhu̱ pa gä defendehu̱ näꞌä mꞌu̱i xä ꞌñutkägihu̱ (Ro 12:9). ¿Hanja di debe gä jahu̱? Ko ndunthi rä tꞌekꞌei di debe gä xipäbihu̱ yä jäꞌi te mä mꞌu̱i di ho Äjuä. Pa geꞌä, pe̱ꞌtsi te gä udihu̱ ge di ꞌmu̱ihu̱ ja ngu di mändaꞌä. Por ejemplo, ora ma gä huahnihu̱ te mä dutu gä hehu̱ ꞌne hanja gä ñhokihu̱, mähyoni gä ñꞌanise̱hu̱: «¿Di udi ge di de̱mbäbi rä mꞌu̱i Äjuä o rä mꞌu̱i nunä rä xiꞌmhai? ¿Di nheki ge di pe̱päbi Äjuä?». ꞌNe ora di huahnihu̱ te mä programä o pelikula ma gä handihu̱, dä hogi gä ñꞌanise̱hu̱: «¿Ma dä numäñho Jeoba nunä ma gä handi o nunä ma gä o̱de? ¿Ma dä ꞌñutkägi rä mꞌu̱i Äjuä o rä mꞌu̱i nunä rä xiꞌmhai? ¿Ma dä japi dä gätꞌi mä ntsitsꞌi ko Äjuä? (Sl 101:3.) ¿Ma gä japi dä mfeꞌtse märꞌaa?» (1Co 10:31-33).
¿Por hanja xi mähyoni gä defendehu̱ näꞌä rä mꞌu̱i xä ꞌñutkägihu̱ Äjuä? Ngeꞌä Ñhesukristo nguntꞌä ma dä huati gatꞌho yä tsꞌo tꞌo̱tꞌe ꞌne näꞌä rä ntsꞌomꞌu̱i di nheki mäpaya, ꞌne ho̱nse̱ ma dä bongi nuꞌu̱ di de̱mbäbi rä mꞌu̱i Äjuä (Eze 9:4-7; 1Jn 2:15-17). Hänge ma gä defendehu̱ näꞌä rä mꞌu̱i xä ꞌñutkägihu̱ Äjuä, pa njabu̱ toꞌo dä hyandi näꞌä mä hogä mꞌu̱ihu̱, dä nsunda ꞌnehe Äjuä (1Pe 2:11, 12).
Ko nuꞌu̱ mä dutu di hee ꞌne de hanja di ñhoki, ¿udi ge di de̱mbäbi rä mꞌu̱i Äjuä?
HYANDIHU̱ RÄ BIDEO YꞌO̱TꞌE RI AMIGO JEOBA: NꞌA RÄ ÑꞌO̱HO̱ ꞌNE NꞌA RÄ ꞌME̱HÑÄ. MꞌE̱FA THÄDIHU̱ NUYA YÄ NTꞌANI:
¿Por hanja mänꞌa xä ñho gä mꞌu̱ihu̱ ja ngu di mända Jeoba?
¿Por hanja xä ñho ge yä dada dä ꞌñuti yä bätsi dä mꞌu̱i ngu di mhända Äjuä dende yä zi tꞌu̱lo?
Tanto yä bäsjäꞌi ꞌne yä däta jäꞌi, ¿hanja dä za gä fatsꞌihu̱ märꞌa yä jäꞌi pa dä bädi de rä ñhojäꞌi Äjuä?