«Ñhokihu̱ ꞌne ndo̱ꞌmihu̱»

25:1-12

Näꞌä rä ejemplo bi usa rä Hesu de nuꞌu̱ rꞌe̱tꞌa yä nxutsi go bi xipäbi nuꞌu̱ yä de̱ni de rä mu̱di siglo. Pe näꞌä mensajeꞌä, ꞌnehe pa gatꞌho yä kristianu mäpaya (w15-S 15/3 yä nxii 12-16). «Hänge ñhokihu̱ ꞌne ndo̱ꞌmihu̱, ngeꞌä nuꞌähu̱ hingi pädihu̱ nixi näꞌä rä pa nixi näꞌä rä ora.» (Mt 25:13.) Xi nuꞌi, ¿dä za gi esplika nunä ejemplo bi usa rä Hesu?

• Toꞌo näꞌä rä nobio (rä xe̱ni 1): Rä Hesu.

• Toꞌo nuꞌu̱ yä nxutsi ja yä mfädi (rä xe̱ni 2): Nuꞌu̱ yä kristianu xä thahni pa dä ma mähetsꞌi. Nuyu̱ xa di ndo̱ꞌmi ꞌne xä ñhoki pa dä kumpli xä ñho ko nuꞌu̱ yä ꞌme̱fi xä umbäbi Äjuä. Nuyu̱ di hue̱xki ngu rä ñotꞌi asta xti zo̱ho̱ rä fin (Flp 2:15).

• Te di signifika näꞌä rä mhafi: «¡Xi ꞌmakua rä nobio!» (rä xe̱ni 6): Geꞌä näꞌä rä señä ma xä nheki nu xti mꞌu̱i kongekhu̱ rä Hesu.

• Toꞌo nuꞌu̱ ku̱tꞌa yä nxutsi himi ja yä mfädi (rä xe̱ni 8): Nuꞌu̱ yä kristianu xki thahni pa dä ma mähetsꞌi, pe koꞌmu̱ himbi ñhoki nixi bi ndo̱ꞌmi, nuꞌu̱ bi ꞌuengi de rä ꞌñuu Jeoba.

• Te di signifika nuꞌmu̱ enä ge nuꞌu̱ yä nxutsi ja yä mfädi, himbi ne bi umbäbi de yä aseite nuꞌu̱ märꞌaa (rä xe̱ni 9): Mꞌe̱fa de dä hñäni näꞌä gäxä seyo nuꞌu̱ yä kristianu to̱ꞌmi dä ma mähetsꞌi, ya hingä ma dä nja rä tiempo pa dä matsꞌi nuꞌu̱ toꞌo bi ꞌuengi de rä ꞌñuu Äjuä.

• Te di signifika nuꞌmu̱ enä ge «bi zo̱ho̱ rä nobio» (rä xe̱ni 10): Xti zo̱ho̱ rä Hesu ma dä juzga yä jäꞌi änte de dä uadi rä däta tribulación.

• Te di signifika nuꞌmu̱ enä ge nuꞌu̱ yä nxutsi mi ja yä mfädi bi yu̱tꞌi ha näꞌä rä ngo de gä nthäti ꞌne rä goxthi bi njotꞌi (rä xe̱ni 10): Rä Hesu bi muntsꞌi ha mähetsꞌi nuꞌu̱ yä kristianu mi pe̱ꞌtsi nunä humu̱i. Pe nuꞌu̱ bi ꞌuengi de rä ꞌñuu Jeoba, bi ꞌme̱di näꞌä rä humu̱i de dä ma mähetsꞌi.