«Nuꞌu̱ xä pe̱hnä Äjuä, ninꞌa rä jäꞌi hindä za dä ꞌuekeꞌu̱»

Ha nꞌa de nuꞌu̱ yä Ley bi tꞌumbäbi Moisés, mi obligabi nuꞌu̱ yä ñꞌo̱ho̱ mi ne dä diborsia; ge mꞌe̱tꞌo dä hyoki nꞌa rä certificado de gä diborsio. Näꞌä rekisito mi sirbe pa njabu̱ yä ñꞌo̱ho̱ mi japäbi xä ñhei dä diborsia de yä ꞌme̱hñä. Pe nuꞌu̱ yä escriba ꞌne yä fariseo mi ꞌmu̱i ha yä pa rä Hesu, bi yꞌadi yä rekisito nuꞌu̱ himi hei toꞌo dä kumpli, pa njabu̱ nuꞌu̱ yä ñꞌo̱ho̱ himi japi xä ñhei dä diborsia de yä ꞌme̱hñä mäske himi ja nꞌa rä däta raso pa geꞌä (nwtsty rä nota de estudio pa Mr 10:4: “certificado de despedida”; nwtsty notas de estudio pa Mr 10:11: “se divorcie de su esposa” ꞌne “comete adulterio contra ella”). Rä Hesu bi mää ge Jeoba go geꞌä bi thäti näꞌä rä mu̱di ñꞌo̱ho̱ ko näꞌä rä mu̱di ꞌme̱hñä (Mr 10:2-12). Nꞌa rä ñꞌo̱ho̱ ꞌne nꞌa rä ꞌme̱hñä nuꞌu̱ xä nthäti pe̱ꞌtsi te «dä zo̱ho̱ dä nꞌatho rä ngo̱», ꞌne nunka di debe dä ñhe̱gi. Pe Jeoba umbäbi rä derecho de dä desidi mu̱ dä diborsia nꞌa rä jäꞌi o hinä, pe ho̱nse̱ mu̱ näꞌä toꞌo xä nthätui bi yꞌo̱tꞌe rä adulterio o nꞌa de nuꞌu̱ yä pekado fädi ngu rä inmoralidad sexual (Mt 19:9).

Mäpaya, ndunthi yä jäꞌi handi rä medinthäti ngu mi handi nuꞌu̱ yä escriba ꞌne yä fariseo, hingä ngu handi Jeoba ꞌne rä Hesu. Rꞌaa, ngu xti nja yä xuñha ha yä medinthäti, nguntꞌä di diborsia. Pe nuꞌu̱ xa mäjuäni yä kristianu hingi njabu̱; nuꞌu̱ di kumpli näꞌä rä promesa bi ja ante Äjuä nuꞌmu̱ bi nthäti. Hänge ora thogi yä xuñha, pe̱fi nuꞌu̱ yä tsꞌofo ehe ha rä Mäkä Tꞌofo. Mꞌe̱fa de gi hyandihu̱ rä bideo Rä mhäte ꞌne rä tꞌekꞌei japi dä ze̱di yä familia, thädihu̱ nuya yä ntꞌani:

• 

  ¿Hanja dä za yä medinthäti dä me̱fi näꞌä rä tsꞌofo hutsꞌi ha Proverbios 15:1, ꞌne por hanja xa mähyoni?

• ¿Hanja dä za gi pe̱fi näꞌä tsꞌofo hutsꞌi ha Proverbios 19:11 pa hingi pe̱ꞌtsi yä xuñha?

• Mu̱ ha ri medinthäti ja ndunthi yä xuñha, ¿te mä ntꞌani mähyoni gi yꞌo̱tꞌe änte de gi mbeni gi diborsia?

• ¿Hanja dä za dä matsꞌi yä däme ꞌne yä ꞌme̱hñä näꞌä rä tsꞌofo hutsꞌi ha Mateo 7:12?