Tꞌumbäbi rä mfatsꞌi nuꞌu̱ mä kuhu̱ bi ꞌmu̱i ha yä islas del Caribe

Ja ngu nuꞌu̱ yä kristianu de rä mu̱di siglo, mäpaya nuju̱ ꞌnehe di pe̱ꞌtsihu̱ nꞌa rä däta ntsu de gä fatsꞌihu̱ nuꞌu̱ mä kuhu̱ pe̱ꞌtsi yä däta tsꞌo thogi (Jn 13:34, 35). Yꞌe̱ntsꞌihu̱ rä bideo Rä mhäte jakhu̱ gä faxu̱ mä kuhu̱: Ha yä islas del Caribe. Ha nunä bideo udi hanja yä testigo rä Jeoba bi matsꞌi nuꞌu̱ märꞌa yä ku bi ꞌmu̱i ha yä islas del Caribe. Mꞌe̱fa thädihu̱ nuya yä ntꞌani:

• ¿Te mä xuñha bi me̱ꞌtsi nuꞌu̱ yä ku bi ꞌmu̱i ha yä islas del Caribe po nuꞌu̱ yä huracán bi thogi?

• ¿Te xä me̱fi Jeoba pa xä matsꞌi nuꞌu̱ yä ku bi ꞌmu̱i ha yä islas del Caribe?

• Nuꞌu̱ yä ku bi sufri po ränge nuꞌu̱ yä huracán, ¿hanja bi hyandi näꞌä rä mhäte ja ha rä hnini Jeoba?

• ¿Hängu yä ku bi partisipa pa bi tꞌumbäbi rä mfatsꞌi nuꞌu̱ yä ku bi ꞌmu̱i ha yä islas del Caribe?

• ¿Hanja dä za gä mfaxtehu̱ gatꞌho?

• ¿Te gi senti ora gi pädi ge gi pertenese ha nunä organización habu̱ di nheki näꞌä xa mäjuäni rä mhäte?