Dä sigi «dä yꞌodä ri mfenihu̱» nuya yä tꞌo̱tꞌe

¿Te mä tꞌo̱tꞌe? Ha Filipenses 4:8 enä: «Dä yꞌodä ri mfenihu̱ gatꞌho nuꞌä mäjuäni, ꞌne nuꞌä xä nsunda, ꞌne nuꞌä xä ñho, ꞌne gatꞌho nuꞌä xä ntꞌaxi, ꞌne rä ñhojäꞌi». Nuya yä noya hingi ne dä mää ge pe̱ꞌtsi te dä yꞌodä rä Biblia ha ri ñäxu. Nunä testo ne dä mää ge pe̱ꞌtsi te gi hñudi gi ntso̱ꞌmi pa gi yꞌe̱ntꞌä ha ri ñäxu ꞌne ha ri koraso nuꞌu̱ yä mfeni di numäñho rä Zi Dada Jeoba, hingä nuꞌu̱ yä tsꞌo mfeni ma dä ꞌuekꞌäꞌi de rä ꞌñuu (Sl 19:14).

Nuju̱ nzäntho di o̱tꞌehu̱ ntsꞌe̱di po gä täpäbihu̱ yä tsꞌo mfeni. Hingä ho̱nse̱ di nto̱xꞌmehu̱ näꞌä rä pekado di ñꞌoꞌmehu̱, ꞌnehe di nto̱xꞌmehu̱ rä Zithu, näꞌä rä «ndä de gekua ha rä xiꞌmhai» (2Co 4:4). Koꞌmu̱ rä xiꞌmhai go o ha rä yꞌe̱ rä Zithu, ndunthi de näꞌä po̱ni ha rä telebision, ha rä radio, ha Internet, ꞌne ha yä he̱ꞌmi, hingi tꞌaxi. Hänge mu̱ di ñuꞌtsihu̱ mä ñäxuhu̱ ko nuꞌu̱ yä tsꞌo mfeniꞌu̱, geꞌä ma dä zixkägihu̱ gä pe̱fihu̱ yä tsꞌo tꞌo̱tꞌe (Snt 1:14, 15).

HYANDIHU̱ RÄ BIDEO ꞌUEGE DE NUꞌU̱ YÄ TꞌO̱TꞌE DI TSꞌONI RI NTSITSꞌI KO JEOBA: NUꞌU̱ YÄ DIBERSIO TSꞌONI RI MFENI. MꞌE̱FA THÄDIHU̱ NUYA YÄ NTꞌANI:

• 

  ¿Te mi handi ha rä celular näꞌä ku, ꞌne hanja mi tsꞌombäbi rä mfeni?

• 

  ¿Hanja bi matsꞌi Gálatas 6:7, 8 ꞌne Salmo 119:37 näꞌä rä ku?