Mu̱ di udihu̱ rä tꞌekꞌei ꞌne nꞌa rä hogä mꞌu̱i, märꞌaa dä za dä tuki yä koraso

Nꞌa rä ꞌme̱hñä näꞌä xä nthäti ꞌne bi zo̱ho̱ bi bädi de rä Zi Dada Jeoba, ndunthi yä mꞌiki xä tukuäbi rä koraso rä däme po näꞌä rä tꞌekꞌei umbi ꞌne näꞌä rä hogä mꞌu̱i hätsꞌi. Pa geꞌä, rꞌabu̱ xä ja mꞌe̱di dä ze̱ti yä xuñha po ndunthi yä je̱ya (1Pe 2:21-23; 3:1, 2). Mu̱ nuꞌi gi sufri ꞌnehe, täpäbi nuꞌu̱ yä ntsꞌomꞌu̱i po mäde de gi ꞌñudi rä ñhojäꞌi (Ro 12:21). Näꞌä gi pe̱fi, mänꞌa ja rä tsꞌe̱di ke näꞌä gi mää.

Trata gi ntiende te di senti ri däme ꞌne imäjinä te gi yꞌo̱tꞌe mu̱ go di geꞌi (Flp 2:3, 4). ꞌÑudi rä ñhojäꞌi ꞌne rä nhuekäte po geꞌä, ꞌne yꞌo̱tꞌe ntsꞌe̱di po gi kumpli ko rä tꞌekꞌei nuꞌu̱ ri responsabilida gi pe̱ꞌtsi. Hñudi gi yꞌo̱de ora te ne dä mää ri däme (Snt 1:19). Pe̱ꞌspäbi rä pasensia, rä tꞌekꞌei ꞌne ꞌñuti ge gi mädi. Mäske ri däme hingi udi rä mhäte nixi rä tꞌekꞌei, hinte mä duda ja ge rä Zi Dada Jeoba handi ko ndunthi rä muui näꞌä gi pe̱fi (1Pe 2:19, 20).

HYANDIHU̱ RÄ BIDEO JEOBA MA DÄ RꞌAKÄGIHU̱ RÄ TSꞌE̱DI PA GÄ ÑHANDUIHU̱ YÄ XUÑHA. MꞌE̱FA THÄDIHU̱ NUYA YÄ NTꞌANI:

• ¿Te mä mꞌu̱i mi pe̱ꞌtsi Grace Li, nuꞌmu̱ ja xki nthäti?

• ¿Por hanja bi ne bi nxadi rä Mäkä Tꞌofo?

• Nu mi nxixtehe, ¿te bi matsꞌi pa bi ze̱ti nuꞌu̱ yä xuñha bä epäbi mꞌe̱fa?

• Nuꞌmu̱ rä nju Grace Li bi xatuäbi Jeoba, ¿te bi yꞌapäbi ge xä me̱fi po rä däme?

• ¿Te mä jäpi xä hñäni rä nju Grace Li po näꞌä rä hogä mꞌu̱i ꞌne rä tꞌekꞌei xä ꞌñudi?