MÄ MꞌU̱IHU̱ NGU YÄ KRISTIANU
Jeoba mädi nuꞌu̱ uni «ko ngatꞌho yä paha»
Ha rä 2 Corintios 9:7 enä: «Hänge bense̱hu̱ ha ri mfenihu̱ nuꞌä ma gi uñhu̱, y geꞌä gi uñhu̱ꞌä. Pe uñhu̱ ko ngatꞌho ri pahahu̱, ꞌne ogri hyo̱kju̱ nuꞌä gi uñhu̱, ngeꞌä Äjuä xi ri mädi nuꞌu̱ toꞌo ri ungä nꞌa rä mfatsꞌi ko ngatꞌho yä paha». Ko näꞌä rä Internet ja mäpaya, ja ndunthi yä forma de hanja gä unihu̱ mä ꞌmo̱ñhehu̱ pa gä mfaxtehu̱ ko nuꞌu̱ yä ꞌme̱fi di ja yä testigo rä Jeoba tanto ha mä hninihu̱ ngu po gatꞌho rä Xiꞌmhai.
HYANDIHU̱ RÄ BIDEO ¿HANJA DÄ ZA GÄ JA YÄ DONÄSIO PO MÄDE DE INTERNET? MꞌE̱FA THÄDIHU̱ NUYA YÄ NTꞌANI:
¿Hanja dä za gä ku̱tꞌihu̱ ha näꞌä rä página xä thoki pa gä handihu̱ hanja dä za gä unihu̱ mä donäsiohu̱ ha näꞌä rä dähni habu̱ di ꞌmu̱ihu̱?
¿Te mä bentaja di pe̱ꞌtsihu̱ mu̱ gä usahu̱ näꞌä página xä thoki pa gä unihu̱ mä donäsiohu̱?
¿Te mä forma ja pa gä unihu̱ mä donäsiohu̱?
¿Te dä za gä pe̱fihu̱ mu̱ hindi pädihu̱ hanja gä usahu̱ nuꞌu̱ yä erramienta xä thoki pa gä unihu̱ mä donäsiohu̱?