Äjuä ma dä hä nꞌa rä gerra pa dä huati gatꞌho yä gerra

19:11, 14-16, 19-21, TNM

Di pädihu̱ ge Jeoba näꞌä nꞌa rä Zi Dada de gä mhäte ꞌne hingi ho yä tuhni, ¿nuꞌmu̱ por hanja xä mändabi rä Tꞌu̱ dä ntuhni ha nꞌa rä gerra? (2Co 13:11, TNM; Is 9:6).

• Rä Zi Dada Jeoba ꞌne rä Hesu di ho rä justisia ꞌne di u̱tsa rä ntsꞌomꞌu̱i.

• Ma dä nja rä justisia ꞌne nꞌa rä mꞌu̱i temäꞌentho asta nuꞌmu̱ xti thäki gatꞌho yä tsꞌomꞌu̱i jäꞌi.

• Nuꞌu̱ yä tꞌaxä fani ꞌne näꞌä rä hogä linu xi xä ntꞌaxi, udi ge ha näꞌä gerra, yä e̱nxe̱ Äjuä ma dä huati ho̱nse̱ nuꞌu̱ yä tsꞌomꞌu̱i jäꞌi.

¿Te debe gä pe̱fihu̱ mu̱ di ne gä pongihu̱ xti ꞌñepu̱ rä gerra Äjuä? (Sof 2:3).