Noé bi me̱fi gatꞌho näꞌä bi mhändabi

6:9, 13-16, 22

¿Dä za gi imäjinä hängu rä ꞌme̱fi ꞌne rä tsꞌe̱di bi ja mꞌe̱di pa njabu̱ Noé ꞌne rä familia bi hyoki rä arka? Ha nuꞌu̱ yä paꞌu̱, himi fädi gatꞌho nuꞌu̱ yä erramienta ja mäpaya.

• Näꞌä rä arka bi hyoki Noé xa mi rä däta. Mi tsꞌu̱di 133 yä metro rä maa, 22 yä metro rä nxidi ꞌne 13 yä metro rä ñhetsꞌi.

• Noé ꞌne rä familia pe̱ꞌtsi te bi ze̱ki yä arbol, bi hye̱ni ꞌne bi deni.

• Bi gotsꞌi tanto de mboo ngu thi de rä arka nꞌa rä bopo rä thuhu alquitrán.

• Bi muntsꞌi ꞌne bi me̱ꞌtsi xa ndunthi rä ñhuni, tanto pa geꞌu̱ ꞌne pa yä zuꞌue. Näꞌä rä ñhuni bi gu̱kuäbi rä je̱ya.

• Bi zitsꞌi ngu 40 o 50 yä je̱ya pa bi uadi rä arka.

¿Hanja faxkägihu̱ näꞌä bi me̱fi Noé ꞌne rä familia ora di jakägihu̱ xä ñhei gä kumplihu̱ ko näꞌä akägihu̱ Äjuä?