Gatꞌho yä jäꞌi mi ñä nꞌadä rä idioma

11:1-4, 6-9

Ha rä hnini Babel, Jeoba bi patuäbi yä idioma nuꞌu̱ yä tsꞌo yꞌo̱de gä jäꞌi pa njabu̱ nuꞌu̱ bi nxani ngeꞌä ya himi ñä nꞌadä rä idioma. Pe mäpaya, rä Zi Dada Jeoba di muntsꞌi yä jäꞌi de gatꞌho yä dähni ꞌne yä idioma, ꞌne utuäbi nꞌadä rä “mäkä idioma” pa njabu̱ nuyu̱ dä za dä maꞌtuäbi rä thuhu Jeoba ꞌne mähye̱gi dä me̱päbi rä bolunta (Sof 3:9; Ap 7:9). ¿Te me̱ꞌä nunä “mäkä idioma”? Geꞌä näꞌä udi rä Biblia de rä Zi Dada Jeoba ꞌne de gatꞌho näꞌä ma dä me̱fi.

Pa gä pädihu̱ mä nꞌa rä idioma, hingä kombasta gä mepye̱hu̱ nꞌa hängu yä noya. Mähyoni gä mbenihu̱ ja ngu nuꞌu̱ yä jäꞌi ñä näꞌä idiomaꞌä. Njabu̱ ꞌnehe, ora di yꞌo di pädihu̱ näꞌä “mäkä idioma” bi ehe de Äjuä, mä mfenihu̱ yꞌo ri mpadi (Ro 12:2). Pe mä mfenihu̱ nzäntho debe dä sigi dä mpadi, pa njabu̱ dä za gä «ꞌmu̱hu̱ mähye̱gi ko nꞌadä rä mfeni» (1Co 1:10).