¿Gi usa rä foyeto Examinando las Escrituras diariamente?

¿Gi heti hyaxtho rä testo de rä foyeto Examinando las Escrituras diariamente? Mu̱ hixkä nzäi gi hñeti hyaxtho, dä za gi fu̱di dende nubye̱. Ndunthi yä ku di nzäi dä hñeti rä testo de di xudi ꞌne di ntso̱ꞌmi durante rä pa hanja dä me̱fi näꞌä bi bädi (Jos 1:8; Sl 119:97). ¿Hanja dä za gi aprobecha mänꞌa xä ñho rä testo? Hñeti nuꞌu̱ märꞌa yä testo ja änte ꞌne mꞌe̱fa de näꞌä testo di toka näꞌä paꞌä, pa gi ntiende xä ñho por hanja bi mhängä nuꞌu̱ yä noyaꞌu̱. Ntso̱ꞌmi nꞌa de nuꞌu̱ yä ejemplo ehe ha rä Biblia, habu̱ jaꞌi gi beni näꞌä testoꞌä. Nubye̱, pe̱fi ha ri mꞌu̱i näꞌä gä pädi de geꞌä. Kada nꞌa rä pa, aprobecha näꞌä testo gi heti ꞌne hyopi ge rä Noya Äjuä dä gu̱hni ri mꞌu̱i ora gi huahni nꞌa rä desision (Sl 119:105).

Ha gatꞌho nuꞌu̱ yä ngu Betel ja po gatꞌho rä Xiꞌmhai, hyaxtho heti näꞌä rä testo de rä foyeto Examinando ora di nzimxudi, ꞌne tꞌuni nꞌa rä tꞌu̱kä discurso. Ya o̱tꞌe nꞌa hängu nje̱ya de di ꞌmo̱ꞌtse nuꞌu̱ yä discursoꞌu̱ ha JW Broadcasting^® ha rä categoría de yä bideo MÄRꞌA YÄ EVENTO. ¿Hängu o̱tꞌe dende nuꞌmu̱ gä handi nꞌa de geꞌu̱? Nuꞌu̱ yä tsꞌofo ꞌne näꞌä imformäsio tꞌuni, rꞌabu̱ geꞌä xa gi honi gi yꞌo̱de. Por ejemplo, ora ma gi huahni nꞌa rä desision, ¿hanja dä za dä maxꞌäꞌi gi beni näꞌä bi thogi Lot po nuꞌu̱ yä desision bi huahni? Ma gä handihu̱.

HYANDIHU̱ RÄ BIDEO OGI MÄDIHU̱ NUNÄ XIꞌMHAI (1JN 2:15). MꞌE̱FA THÄDIHU̱ NUYA YÄ NTꞌANI:

• ¿Te mä testo bi thäi de rä Biblia pa nunä discurso?

• ¿Hanja utkägihu̱ näꞌä bi me̱fi Lot, ge nꞌa rä peligro gä mädihu̱ nuꞌu̱ yä tꞌo̱tꞌe di ofrese rä xiꞌmhai? (Gé 13:12; 14:12; 19:3, 12, 13, 24-26).

• ¿Hanja di udihu̱ ge di mädihu̱ rä Zi Dada Jeoba, hingä nuꞌu̱ yä tꞌo̱tꞌe di ofrese nunä xiꞌmhai?