Imäjinä te gatꞌho mi thogi

Ora gi heti rä mꞌu̱i de nꞌa de nuꞌu̱ yä jäꞌi no̱ni rä Biblia, yꞌo̱tꞌe ntsꞌe̱di po gi imäjinä mi tengu nuꞌu̱ yä luga habu̱ bi thogi nuꞌu̱ yä tꞌo̱tꞌe, mi tenguꞌu̱ nuꞌu̱ yä jäꞌi ꞌne por hanja mi porta njabu̱. Trata gi tsa näꞌä mi sentiꞌu̱ ꞌne tsapi gi pähä näꞌä mi yu̱ni o gi yꞌo̱de näꞌä mi thogi.

HYANDIHU̱ NꞌA XE̱NI DE RÄ BIDEO: TINI RÄ JOHYA ORA GI HETI RÄ BIBLIA. MꞌE̱FA THÄDIHU̱ NUYA YÄ NTꞌANI:

• 

  ¿Por hanja gi imäjinä ge mi ja yä xuñha ha rä ngu José?

• 

  ¿Por hanja nuꞌu̱ märꞌa yä tꞌu̱ Jacob rꞌabu̱ xa nguntꞌä mi nkue̱ ꞌne himi mbeni mꞌe̱tꞌo pa te dä me̱fi?

• 

  Ora di hetihu̱ ha rä Biblia de Jacob, ¿dä za gi imäjinä mi tenguꞌä rä mꞌu̱i? ¿Te dä za gä pädihu̱ de geꞌä?

• ¿Te bi me̱fi Jacob pa bi za bi mpumbäbi ko rä ku, ꞌne te mä hogä ejemplo bi ꞌñuti nuꞌu̱ yä bätsi?

• Xi nuꞌi, ¿te dä za gi pädi de näꞌä gä handi ha nunä bideo?