Faraón nixi bi bädi ge Jeoba bi usa pa bi kumpli rä bolunta

8:15, 18, 19; 9:15-17

Nuꞌu̱ yä faraón de Egipto mi senti ge myä zidada ꞌne ge mi mändase̱. Hänge himbi yꞌo̱te Moisés ꞌne Aarón. Faraón nixi bi yꞌo̱te nuꞌu̱ yä ꞌñete majhä mi fatsꞌi.

Xi nuꞌi, ¿gi jamäsu ꞌne gi jamädi ora tꞌaꞌäꞌi nꞌa rä tsꞌofo? ¿O gi hurimu̱i ge nzäntho gi pe̱ꞌtsä nraso? Beni ge rä Biblia enä ge toꞌo rä ꞌñexmänsu, nse̱kitho ma dä mfeꞌtse asta di mfo̱hni (Pr 16:18). Hänge hinxä ñho gä exä mä nsuhu̱ nixi gä ñꞌorgullosohu̱.