Ma gä nsundahu̱ rä Zi Dada Jeoba ko yä jähñä

15:1, 2, 11, 18, 20, 21

Yä thuhu dä za dä tso̱ni ha mä korasohu̱ ꞌne dä paati näꞌä di mbenihu̱ ꞌne näꞌä di sentihu̱. Rä Zi Dada Jeoba di ho gä tutuäbihu̱ yä jähñä ora di xo̱kämbenihu̱.

• 

  Moisés ꞌne yä israelita bi tutuäbi yä jähñä rä Zi Dada Jeoba ngeꞌä bi matsꞌi bi rꞌani rä mar Rojo ꞌne bi ñäni de nuꞌu̱ yä nkontra.

• 

  Rä rey David bi huahni 4.000 yä duhu ꞌne yä me̱ꞌmda pa dä ntuhu ha rä templo.

• 

  Näꞌä xui änte de xä tho rä Hesu, näꞌä bi muntsꞌi ko yä apostol ꞌne bi tutuäbi yä jähñä rä Zi Dada Jeoba.

Xi nuga, ¿habu̱ dä za gä nsunda rä Zi Dada Jeoba ko yä jähñä?