¿Te pe̱fi nuꞌu̱ yä ku di rekonose ge hingi tsa dä jase̱ gatꞌho rä ꞌme̱fi?

18:17, 18, 21, 22, 24, 25

Ndunthi yä ku pe̱ꞌtsi rä esperiensia de dä su ꞌne dä gu̱tꞌi rä ꞌñuu ha rä mhuntsꞌi. Pe nuyu̱ yä ku, udi rä mhäte ꞌne di rekonose ge hingä nzäntho ma dä za dä jase̱ gatꞌho yä ꞌme̱fi. Hänge uti nuꞌu̱ yä bäsjäꞌi hanja dä za dä matsꞌi ko nuꞌu̱ yä responsabilida de rä mhuntsꞌi. ¿Hanja di ja?

• Mꞌe̱tꞌo, handi toꞌo nuꞌu̱ yä ku dä za dä nkargo de märꞌa yä responsabilida.

• ꞌNepu̱ uti ꞌne esplikabi xä ñho te debe dä me̱fi pa dä kumpli ko näꞌä responsabilidaꞌä.

• Umbäbi yä erramienta, rä bojä ꞌne gatꞌho näꞌä di ja mꞌe̱di pa dä ja näꞌä ꞌme̱fiꞌä.

• Handi hanja näꞌä bäsjäꞌi yꞌo ri bädi, ꞌne xipäbi ge pe̱ꞌspäbi rä komfiansa.

ÑꞌANISE̱: «Xi nuga, ¿te mä responsabilida dä za gä nkargobi märꞌa yä ku?».