MÄ MꞌU̱IHU̱ NGU YÄ KRISTIANU
¿Dä za gi uni de ri tiempo ꞌne de ri tsꞌe̱di?
Rä profeta Isaías bi mää ge näꞌä rä organización rä Zi Dada Jeoba ꞌmu̱kua ha rä Xiꞌmhai, ma xä sigi xä te ja ngu nunka xki nheki, ꞌne geꞌä thogi mäpaya (Is 54:2). Po geꞌä di ja mꞌe̱di dä thoki märꞌa yä Ngu de gä Mhuntsꞌi, yä Ngu de gä Däta Mhuntsꞌi, ꞌne ja mꞌe̱di drä gu̱ngi yä ngu Betel. Nuꞌu̱ yä luga ya xä thoki, nubye̱ di ja mꞌe̱di dä tꞌumbäbi rä mantenimiento ꞌne dä thoki habu̱ xä tsꞌoki. Hänge gatꞌho di pe̱ꞌtsihu̱ rä däta nsu de gä umbäbihu̱ rä Zi Dada Jeoba de mä tiempohu̱ ꞌne de mä tsꞌe̱dihu̱. Por ejemplo:
Di pe̱ꞌtsihu̱ rä oportunida de gä mfaxtehu̱ ora mä grupohu̱ di tokabi rä limpiesa ha rä Ngu de gä Mhuntsꞌi.
Dä za gä ofresehu̱ de gä boluntario pa dä tꞌutkägihu̱ hanja gä jahu̱ rä mantenimiento ha rä Ngu de gä Mhuntsꞌi.
Dä za gä ñuꞌtsihu̱ rä Solicitud de voluntario local de diseño y construcción (DC-50-S) pa gä mfaxtehu̱ ha nuꞌu̱ yä ꞌme̱fi de gä construcción o mantenimiento ja getbu̱ de habu̱ di ꞌmu̱ihu̱.
Dä za gä ñuꞌtsihu̱ rä Solicitud para el programa de voluntarios (A-19-S) pa gä mfaxtehu̱ durante nꞌaa o thogi de nꞌa semänä ha rä ngu Betel o ha nuꞌu̱ märꞌa yä ꞌme̱fi ja ha rä territorio rä ngu Betel.
HYANDIHU̱ NꞌA XE̱NI DE RÄ BIDEO: NꞌA RÄ RꞌAYꞌO ꞌME̱FI DE GÄ CONSTRUCCIÓN. MꞌE̱FA THÄDIHU̱ NUYA YÄ NTꞌANI:
Mää hanja dende rä 2014 xkä handi ge mänꞌa xtä usahu̱ yä bideo ja ngu nunka änte.
Pa dä sigi dä thoki gatꞌho nuꞌu̱ yä bideo di honihu̱, ¿te mä ꞌme̱fi de gä construcción xä ꞌñepu̱ ꞌne hämꞌu̱ ma dä uadi näꞌä rä ꞌme̱fiꞌä?
¿Hängu yä boluntario ma dä ja mꞌe̱di, ꞌne po hängu tiempo dä za dä ma dä mfaxte?
Mu̱ nuꞌi gi ꞌmu̱i ha Estados Unidos ꞌne gi ne gi partisipa ha nuꞌu̱ yä ꞌme̱fi ma dä nja ha Rámapo, ¿por hanja mähyoni gi ñuꞌtsi rä solicitud DC-50-S pa gi mfaxte ko rä Departamento Local de Diseño y Construcción (LDC)?
¿Hanja di handihu̱ ge rä Zi Dada Jeoba go geꞌä di jäpi nunä rä ꞌme̱fi?
Mu̱ hingi tsa gä unihu̱ de mä tiempohu̱ o de mä tsꞌe̱dihu̱ pa gä mfaxtehu̱ ha nuya yä ꞌme̱fi de gä construcción, ¿de te mä nꞌa rä forma dä za gä mfaxtehu̱?