¿Pa te mi sirbe nuꞌu̱ yä altar mi ja ha rä tabernáculo?

37:25, 29; 38:1

Nuꞌu̱ yoho yä altar mi ja ha rä tabernáculo bi thoki ja ngu bi mända rä Zi Dada Jeoba, ꞌne jabu̱ te di signifika.

• 

  Rä Zi Dada Jeoba xa mi ho hanja mi yu̱ni näꞌä rä tꞌutsꞌi mi tsꞌätꞌi ha näꞌä rä altar mi ja mbo rä tabernáculo. ¿Te signifika mäpaya? Ge rä Zi Dada Jeoba xa di ho dä yꞌo̱de nuꞌu̱ mä sadihu̱ di jahu̱ ko ngatꞌho mä korasohu̱.

• 

  Rä Zi Dada Jeoba mi asepta nuꞌu̱ yä ofrenda mi tsꞌätꞌi ha näꞌä altar mi ja thi de rä tabernáculo. ¿Te signifika mäpaya ora enä ge näꞌä altar mi tidi mfrente de rä tabernáculo? Ge pa dä numäñhogihu̱ rä Zi Dada Jeoba, mähyoni gä pe̱ꞌspäbihu̱ rä komfiansa näꞌä rä te bi uni rä Hesu (Jn 3:16-18; Heb 10:5-10).

Pa mi asepta rä Zi Dada Jeoba näꞌä tꞌutsꞌi mi tsꞌätꞌi, mi debe dä thoki xä ñho. Xi nuju̱, ¿te dä za gä pe̱fihu̱ pa njabu̱ rä Zi Dada Jeoba dä ho dä yꞌo̱de mä sadihu̱? (Sl 141:2).